مەملەكەتتىك سىرتقى قارىزدى يگەرمەگەنى ءۇشىن جاۋاپكەرشىلىك مەملەكەتتىك ورگاننىڭ ءبىرىنشى باسشىسىنا جۇكتەلۋى ءتيىس. ءماجىلىس توراعاسى نۇرلان نىعماتۋلين وسىلاي دەدى. بۇگىن جالپى وتىرىستا دەپۋتاتتار «قازاقستان رەسپۋبليكاسىنىڭ كەيبiر زاڭنامالىق اكتiلەرiنە بيۋدجەت زاڭناماسىن جەتiلدiرۋ ماسەلەلەرى بويىنشا وزگەرiستەر مەن تولىقتىرۋلار ەنگiزۋ تۋرالى» ءتيىستى زاڭ جوباسىن ءبىرىنشى وقىلىمدا ماقۇلدادى.

ءماجىلىس توراعاسى نۇرلان نىعماتۋليننىڭ ايتۋىنشا، سىرتقى قارىز قاراجاتىن يگەرمەگەنى ءۇشىن جاۋاپكەرشىلىك، «بۇلىڭعىر بولماۋى» ءتيىس. ول ناقتى جازىلۋى كەرەك. ەگەر قۇجاتتىڭ ۇكىمەتتىڭ نۇسقاسىن قابىلدايتىن بولساق، وندا ءىس جۇزىندە جاۋاپكەرشىلىك ۇيىمنىڭ ءبىرىنشى باسشىسىن جاۋاپكەرشىلىكتەن الىپ تاستاپ، ورىنباسارعا جۇكتەلەتىنى تۇسىنىكتى. بۇل بارلىق جەردە بولادى. سوندىقتان دا، مۇنداي سايكەسسىزدىكتەرگە جول بەرۋگە بولمايدى.

نۇرلان نىعماتۋلين سىرتقى قارىزدىڭ يگەرىلمەۋى بيۋدجەتتەن قوسىمشا شىعىندارعا الىپ كەلۋى مۇمكىن ەكەنىن اتاپ ءوتىپ، ءتيىستى نورمانى زاڭنامالىق دەڭگەيدە بەكىتۋ ارقىلى مەملەكەتتىك ورگاننىڭ ءبىرىنشى باسشىسىنىڭ جاۋاپكەرشىلىگىن كۇشەيتۋ قاجەتتىگىن ايتتى.

سونىمەن قاتار، ءماجىلىس توراعاسىنىڭ پىكىرىنشە، جەرگىلىكتى بيۋدجەتتى بولجاۋ كەزىندە ايماقتاردىڭ ەرەكشەلىگى ەسكەرىلۋى ءتيىس.

سوندىقتان، دەپۋتاتتار جەرگىلىكتى بيۋدجەتكە تۇسىمدەردى بولجاۋ ءتارتىبىن جەرگىلىكتى ۋاكىلەتتى ورگاندارعا بەرۋدى ۇسىنادى.

وسىعان سايكەس، پالاتا سپيكەرى زاڭ جوباسىنداعى اتالعان نورمالاردى ەكىنشى وقىلىمعا دەيىن پىسىقتاۋ قاجەتتىلىگىن ايتتى.

Abai.kz