«ەۋروتالانت» حالىقارالىق ۇكىمەتتىك ەمەس ۇيىمىنىڭ باستاماشىلىعى بويىنشا الەمنىڭ دارىندى بالالارى تۋرالى فيلم تۇسىرىلۋدە، ول فيلمگە قازاقستاندىق ءۇش وقۋشى تۇسەدى.
بۇل تۋرالى قازاقپارات تىلشىسىنە «دارىن» رەسپۋبليكالىق عىلىمي-تاجىريبەلىك ورتالىعىنىڭ ديرەكتورى ءتىلداش بيتۋوۆا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا وتكەن «تالانتتى ۇستاز - دارىندى بالالارعا» اتتى پەداگوگيكالىق وليمپيادانىڭ بارىسىندا اڭگىمەلەپ بەردى.
«ەۋروتالانت» ۇيىمىنىڭ ۇيىتقى بولۋىمەن فرانتسيادا الەمنىڭ دارىندى بالالارى تۋرالى فيلم تۇسىرىلەتىندىگى تۋرالى حابار الدىق. بىزدە ءۇش دارىندى بالانىڭ اتى-ءجونى سۇرالدى. ءبىز جانسايا ابدىمالىكتى، دارىن تەلمان مەن بەكزات سماعۇلوۆتى ۇسىندىق»، - دەيدى ت.بيتۋوۆا حانىم.
ج. ابدىمالىك الماتىدان. 8 جاستا بولعانىنا قاراماستان، جانسايا جاسوسپىرىمدەر اراسىندا شاحماتتان الەم چەمپيونى. ول الەمنىڭ 72 ەلىنىڭ وكىلىن جەڭگەن جاس دارىن.
ال قاراعاندىلىق دارىن تەلمان كوسموناۆتيكامەن جانە استرونوميامەن اينالىسادى. ينتەرنەت شىعىنىن قىسقارتۋعا مۇمكىندىك بەرەتىن دارىننىڭ ونەرتابىسى الەم جۇرتشىلىعىنىڭ نازارىن اۋدارىپ وتىر.
ال ءۇشىنشى ۇمىتكەر بەكزات سماعۇلوۆ - پاۆلوداردان. ول 11-ءشى سىنىپتى ءبىتىرىپ جاتىر، قۇقىقتانۋدان رەسپۋبليكالىق وليمپيادانىڭ جەڭىمپازى، ولەڭ، اڭگىمەلەر جازادى.
«ەسىمدەرى بەكىتىلگەننەن كەيىن، ولار تۋرالى تولىعىراق اڭگىمەلەپ بەرەمىن. بۇكىل الەم ءبىزدىڭ دارىندى بالالارىمىزدى تانيتىن كۇن الىس ەمەس»، - دەپ تۇيىندەدى ءسوزىن ءتىلداش بيتۋوۆا.

«ەۋروتالانت» حالىقارالىق ۇكىمەتتىك ەمەس ۇيىمىنىڭ باستاماشىلىعى بويىنشا الەمنىڭ دارىندى بالالارى تۋرالى فيلم تۇسىرىلۋدە، ول فيلمگە قازاقستاندىق ءۇش وقۋشى تۇسەدى.
بۇل تۋرالى قازاقپارات تىلشىسىنە «دارىن» رەسپۋبليكالىق عىلىمي-تاجىريبەلىك ورتالىعىنىڭ ديرەكتورى ءتىلداش بيتۋوۆا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا وتكەن «تالانتتى ۇستاز - دارىندى بالالارعا» اتتى پەداگوگيكالىق وليمپيادانىڭ بارىسىندا اڭگىمەلەپ بەردى.
«ەۋروتالانت» ۇيىمىنىڭ ۇيىتقى بولۋىمەن فرانتسيادا الەمنىڭ دارىندى بالالارى تۋرالى فيلم تۇسىرىلەتىندىگى تۋرالى حابار الدىق. بىزدە ءۇش دارىندى بالانىڭ اتى-ءجونى سۇرالدى. ءبىز جانسايا ابدىمالىكتى، دارىن تەلمان مەن بەكزات سماعۇلوۆتى ۇسىندىق»، - دەيدى ت.بيتۋوۆا حانىم.
ج. ابدىمالىك الماتىدان. 8 جاستا بولعانىنا قاراماستان، جانسايا جاسوسپىرىمدەر اراسىندا شاحماتتان الەم چەمپيونى. ول الەمنىڭ 72 ەلىنىڭ وكىلىن جەڭگەن جاس دارىن.
ال قاراعاندىلىق دارىن تەلمان كوسموناۆتيكامەن جانە استرونوميامەن اينالىسادى. ينتەرنەت شىعىنىن قىسقارتۋعا مۇمكىندىك بەرەتىن دارىننىڭ ونەرتابىسى الەم جۇرتشىلىعىنىڭ نازارىن اۋدارىپ وتىر.
ال ءۇشىنشى ۇمىتكەر بەكزات سماعۇلوۆ - پاۆلوداردان. ول 11-ءشى سىنىپتى ءبىتىرىپ جاتىر، قۇقىقتانۋدان رەسپۋبليكالىق وليمپيادانىڭ جەڭىمپازى، ولەڭ، اڭگىمەلەر جازادى.
«ەسىمدەرى بەكىتىلگەننەن كەيىن، ولار تۋرالى تولىعىراق اڭگىمەلەپ بەرەمىن. بۇكىل الەم ءبىزدىڭ دارىندى بالالارىمىزدى تانيتىن كۇن الىس ەمەس»، - دەپ تۇيىندەدى ءسوزىن ءتىلداش بيتۋوۆا.

"قازاقپارات" اگەنتتىگى