وزبەكستان سوتى "ساردوبا" سۋ قويماسىنىڭ جارىلۋىنا قاتىسى بار دەگەن 17 ادامعا ۇكىم شىعاردى. ونداعان اۋىلدى سۋ باسىپ، ادامداردىڭ ولىمىنە سەبەپكەر بولعان وقيعادا جەمقورلىق فاكتىلەرىنىڭ بولعانى انىقتالعان. .

باستى ايىپتالۋشى رەتىندە  «ۋزتەميريۋلكۋريليشمونتاج» مەكەمەسىنىڭ باسشىسى م. حولماتوۆ ءىسى قارالدى. ونىڭ قوماقتى قارجى جىمقىرعانى، تەحنيكالىق قاۋىپسىزدىكتى بۇزعانى انىقتالىپ، قىلمىسقا جاۋاپتى دەپ تانىلىپ، 10 جىلعا باس بوستاندىعىنان ايىرىلدى.

سۋ قويماسىنىڭ جارىلۋىنا قاتىسى بار قالعان كۇدىكتىلەر دە جاۋاپقا تارتىلدى. ونىڭ ىشىندە التى ادام التى جىلعا، ءبىر ادام شارتتى تۇردەگى جازاعا، قالعانى ايىپپۇل تولەۋگە كەسىلدى. ەستەرىڭىزدە بولسا 2020 جىلى وزبەكستاننىڭ "ساردوبا" سۋ قويماسى جارىلىپ، قازاقستاننىڭ وڭتۇستىگىن سۋ باسقان بولاتىن.

Abai.kz