قازاقستان مۇسىلماندارى ءدىني باسقارماسى مەيىرىم مەن شاپاعات ايى بولعان رامازان ايىندا ال-قۇددىستاعى يسلام دىنىندەگى قاسيەتتى ءۇشىنشى مەكەن سانالاتىن ءال-اقسا مەشىتىندە ورىن العان جاعدايعا الاڭداۋشىلىق بىلدىرەدى جانە كۇردەلى ماسەلەنىڭ وڭ شەشىمىن تابۋىن تىلەيدى.

اللا تاعالا قاسيەتتى قۇراندا: «قۇلىن (مۇحاممەدتى) ءبىر تۇندە حارام مەشىتىنەن اينالاسىنا ءوزىمىز قۇت-بەرەكە دارىتقان اقسا مەشىتىنە كەيبىر ماڭىزدى بەلگىلەرىمىز بەن دالەلدەرىمىزدى كورسەتۋ ءۇشىن الىپ بارعان اللا – ءمىنسىز (مۇقتاجدىق پەن دارمەنسىزدىكتەن، كەمشىلىك اتاۋلىدان ادا). ول – ساميع ء(بارىن ەستۋشى), باسير ء(بارىن دە كورۋشى)» («يسرا» سۇرەسى، 1-ايات) دەپ باياندايدى.

ەلىمىزدەگى بارشا مۇسىلماندى قاسيەتتى ايدىڭ سوڭعى كۇندەرىندە قاسيەتتى مەكەننىڭ تىنىشتىعى ءۇشىن دۇعا جاساۋعا ۇندەيمىز. اللا تاعالا قاسيەتتى ءال-اقسانىڭ بەيبىتشىلىك پەن اماندىقتا بولۋىن ءناسىپ ەتسىن! ءامين!

Abai.kz