Facebook, TikTok, Telegram جانە وسىعان ۇقساس بايلانىس پلاتفورمالارى وزبەكستاندا زاڭدى قىزمەتتى جۇزەگە اسىرۋ ءۇشىن وزدەرىنىڭ ارنايى دەرەك جيناۋ جابدىقتارىن وزبەكستانعا اۋىستىرۋى كەرەك. ولاي ەتپەسە، ولار اكىمشىلىك نەمەسە قىلمىستىق جاۋاپكەرشىلىككە تارتىلۋى مۇمكىن. بۇل تۋرالى  وزبەكستان پارلامەنتىنىڭ ءباسپاسوز قىزمەتى حابارلادى. 

يننوۆاتسيالىق دامۋ، اقپاراتتىق ساياسات جانە اقپاراتتىق تەحنولوگيالار كوميتەتى وزبەكستان رەسپۋبليكاسى «جەكە مالىمەتتەر تۋرالى» زاڭىنىڭ ورىندالۋىن زەردەلەۋگە ارنالعان ءماجىلىس وتكىزدى. اتالمىش ماجىلىستە وسى ماسەلە تالقىلاندى.

وزبەكستان رەسپۋبليكاسى مينيسترلەر كابينەتى جانىنداعى ماملەكەتتىك پەرسوناليزاتسيا ورتالىعى اتقارىلعان جۇمىستار ҳاقىندا حابار بەردى. وزبەكستان رەسپۋبليكاسىنىڭ «جەكە مالىمەتتەر تۋرالى» زاڭىنا سايكەس قازىرگى كەزدە وزبەكستان اۋماعىندا قىزمەت ەتەتىن الەۋمەتتىك جەلىلەر ارنايى جابدىقتارىن اكەلىپ، ازاماتتارعا قاتىستى جيناعان دەرەكتەرىن مەملەكەتكە بەرىپ وتىرۋى ءتيىس. ولاي بولماعان جاعدايدا ۇلكەن ايىپپۇل سالىنۋى مۇمكىن.

سوڭعى جىلدارى جوعارىدا اتالعان الەۋمەتتىك جەلىلەر مەن ينتەرنەت-كومپانيالارعا قارسى ءارتۇرلى كيبەرشابۋىلدار جاسالعان. ناتيجەسىندە ميلليونداعان ادامداردىڭ، سونداي-اق وزبەكستان ازاماتتارىنىڭ جەكە دەرەكتەرى ۇرلانعان. ارنايى زاڭ جەكە ازاماتتاردىڭ دەرەكتەرىن ساقتاۋعا كومەكتەسپەك.

Abai.kz