13 مامىردا قىرعىزستان پرەزيدەنتى سادىر جاپاروۆ قازاقستان پرەزيدەنتى قاسىم-جومارت توقاەۆپەن تەلەفون ارقىلى سويلەستى.

قىرعىز رەسپۋبليكاسى پرەزيدەنتىنىڭ ءباسپاسوز قىزمەتى حابارلاعانداي، مەملەكەت باسشىلارى ەكى ەل حالىقتارىنا بەيبىتشىلىك، باق-بەرەكە جانە اماندىق تىلەي وتىرىپ، ءبىر-ءبىرىن ورازا ايت مەرەكەسىمەن قۇتتىقتادى.

سونىمەن بىرگە، قىرعىز-قازاق ەكىجاقتى جانە ايماقتىق ىنتىماقتاستىعىنىڭ بىرقاتار وزەكتى باعىتتارى، ونىڭ ىشىندە باتكەن وبلىسىنداعى مەملەكەتتىك شەكارانىڭ قىرعىز-تاجىك ۋچاسكەسىندە بولعان سوڭعى ماسەلەلەر تالقىلاندى.

سادىر جاپاروۆ قاسىم-جومارت توقاەۆقا جاعدايعا كوڭىل بولگەنى، كوڭىل ايتۋ جانە قولداۋ سوزدەرى ءۇشىن، سونداي-اق باتكەن وبلىسىنىڭ شەكارالاس اۋىلدارىنىڭ تۇرعىندارىنا گۋمانيتارلىق كومەك كورسەتكەنى ءۇشىن ريزاشىلىعىن ءبىلدىردى.

Abai.kz