جەكسەنبى, 1 تامىز 2021
بيلىك 1853 0 پىكىر 14 مامىر, 2021 ساعات 12:31

پاندىك وليمپيادالار تەك ەلەكتروندى فورماتتا وتەدى

وقۋشىلاردىڭ پاندىك وليمپياداسىنىڭ وبلىستىق جانە رەسپۋبليكالىق كەزەڭدەرى تەك ەلەكتروندى فورماتتا وتەدى. بۇل جايىندا قر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى. 

«جاقىندا ۇبت-نى ەلەكتروندىق فورماتقا كوشىرۋ تۋرالى پوست جاريالادىم. بۇل وزگەرىستەردى قوعام جاقسى قابىلداپ، قولداۋ ءبىلدىردى. بىراق، ءبىز تەك وسى ەمتيحاندى عانا ەمەس، بارلىق ىرىكتەۋ ءىس-شارالارىنىڭ فورماتىن اشىقتىق پەن ادىلدىكتى قامتاماسىز ەتۋ ءۇشىن وزگەرتۋدەمىز. وسى باستامالار تۋرالى قىسقاشا توقتالسام. بىرىنشىدەن- وقۋشىلاردىڭ پاندىك وليمپياداسى. ءبىز بيىل اقپان ايىندا العاش رەت وقۋشىلار اراسىندا رەسپۋبليكالىق وليمپيادانى ەلەكتروندىق فورماتتا وتكىزدىك»، - دەپ جازدى مينيستر Facebook پاراقشاسىندا.

ونىڭ اتاپ وتۋىنشە، وليمپيادا بارىسىندا ءار قاتىسۋشىعا جەكە كومپيۋتەر بەرىلىپ، ءىس-ارەكەتىن بەينەكامەرا باقىلاپ وتىردى.

سونىمەن قاتار ارنايى ورتالىقتا كەزەكشىلەر بارلىق پروتسەستى قاداعالاي الىپ، پروكتورينگ جۇيەسى دە قولدانىلدى.

الەۋمەتتىك جەلىلەردە جانە ارنايى پورتالدا اشىق ترانسلياتسيا جۇرگىزىلدى.

«بۇعان قوسا، ءبىز بيىل وليمپيادا تاپسىرمالارىن تەكسەرۋ جۇيەسىن دە وزگەرتتىك. بۇرىن قازىلار القاسى مۇشەلەرىنە بالالاردىڭ جۇمىستارى پروپورتسيونالدى تۇردە بەرىلسە، ەندى باعالاۋ كەزىندە سۋبەكتيۆيزمدى تومەندەتۋ ءۇشىن قازىلار القاسىنىڭ ءار مۇشەسى ءبىر عانا تاپسىرمانى كورىپ، باعالاي الدى. كەلەسى جىلدارى دا وليپيادانىڭ وبلىستىق جانە رەسپۋبليكالىق كەزەندەرى تەك عانا وسىنداي فورماتتا وتەتىن بولادى»، - دەدى اسحات ايماعامبەتوۆ.

Abai.kz

0 پىكىر

ۇزدىك ماتەريالدار