بەيسەنبى, 28 ناۋرىز 2024
بيلىك 3395 0 پىكىر 17 مامىر, 2021 ساعات 11:54

«URKER-2021» ۇلتتىق بايگەسىنە وتىنىمدەر قابىلداۋ باستالدى

باسپا، راديو، ينتەرنەت-جۋرناليستيكا سالاسىنداعى ۇزدىكتەردى انىقتاۋ ءۇشىن «URKER – 2021» ۇلتتىق بايگەسىنە وتىنىمدەر قابىلداۋ باستالدى.

رەسپۋبليكا اۋماعىندا مەدياكونتەنت وندىرەتىن جانە تاراتاتىن رەسپۋبليكالىق جانە وڭىرلىك راديوستانتسيالار، باسپا جانە ينتەرنەت-باسىلىمدار بايگەگە قاتىسا الادى.

وتىنىمدەردى قابىلداۋ ۋاقىتى 2021 جىلدىڭ 17 مامىرىنان 15 ماۋسىمىنا دەيىن جۇزەگە اسىرىلادى.

كونكۋرتىق جۇمىستار 2020 جىلدىڭ 1 قاراشاسى مەن 2021 جىلدىڭ 1 ماۋسىم ارالىعىندا جاريالانىپ، باسىلىمىندا، ينتەرنەت-رەسۋرستا جاريالانۋى نە راديوەفيردە شىعۋى ءتيىس. ءار ۇمىتكەر بايگەنىڭ تەك ەكى نوميناتسياسىنا قاتىسۋعا قۇقىلى.

وتىنىمدەر  urker-awards.kz رەسمي سايتىندا 11 نوميناتسيا بويىنشا قابىلدانادى:

  1. جىلدىڭ ۇزدىك فوتوسۋرەتى
  2. جىلدىڭ ۇزدىك رەپورتاجى
  3. جىلدىڭ ۇزدىك اناليتيكالىق ماتەريالى
  4. جىلدىڭ ۇزدىك جۋرناليستىك زەرتتەۋى
  5. جىلدىڭ ۇزدىك سۇحباتى
  6. جىلدىڭ ۇزدىك تانىمدىق ماتەريالى
  7. راديوستانتسياداعى ۇزدىك جوبا
  8. جىلدىڭ ۇزدىك جاڭالىقتار پورتالى
  9. جىلدىڭ ۇزدىك گازەتى
  10. جىلدىڭ ۇزدىك جۋرنالى
  11. تاۋەلسىزدىكتىڭ 30 جىلدىعىنا ارنالعان ۇزدىك ماتەريال

بيىلعى جىلى ۇيىمداستىرۋشى كوميتەت ەلىمىزدىڭ تاۋەلسىزدىك جىلدارى قالىپتاسۋىنا ارنالعان جۇمىستارعا ارنايى نوميناتسيانى ەنگىزدى.

تاۋەلسىز قازىلار القاسىنىڭ قۇرامىنا ەنگەن كاسىبي جۋرناليستەر، سالانىڭ ەڭبەك سىڭىرگەن قايراتكەرلەرى جانە ءازىربايجان مەن گەرمانيانىڭ حالىقارالىق مەديا-ساراپشىلارى  جۇمىستاردى باعالايتىن بولادى.

ۇلتتىق بايگە جەڭىمپازدارى «ۇركەر» ەستەلىك مۇسىنشەسىنىڭ جانە ءبىر ميلليون تەڭگە مولشەرىندەگى قارجىلاي سىيلىقتىڭ يەگەرى بولادى.

ۇلتتىق بايگە ۇيىمداستىرۋشىلارى - قر اقپارات جانە قوعامدىق دامۋ مينيسترلىگى، «مەديا دامىتۋ قورى» كورپوراتيۆتىك قورى جانە «قازمەديا ورتالىعى» باسقرۋشى كومپانياسى.

«URKER» - باسپا، راديو، ينتەرنەت-جۋرناليستيكا سالاسىنداعى ۇزدىك جەتىستىكتەر ءۇشىن بەرىلەدى، ايماقتارداعى مۋلتيمەديالىق جۋرناليستيكانى دامىتۋعا ىقپال ەتۋگە، جۋرناليستيكا مارتەبەسىن ارتتىرۋعا، كاسىبي ستاندارتتار مەن كريتەريلەردى بەكىتۋگە، ازاماتتىق بەلسەندىلىكتى ارتتىرۋعا باعىتتالعان. 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512