سارسەنبى, 4 تامىز 2021
بيلىك 2816 1 پىكىر 18 مامىر, 2021 ساعات 22:24

قىرعىزستانعا قازاقستاننان گۋمانيتارلىق كومەك جەتتى

پرەزيدەنت قاسىم-جومارت توقاەۆتىڭ تاپسىرماسى بويىنشا قىرعىزستانعا 4 500 تونناعا جۋىق بيداي ۇنى تيەلگەن گۋمانيتارلىق كومەكتىڭ العاشقى پارتياسى جەتكىزىلدى. ونى تاپسىرۋ راسىمىنە قازاقستان ەلشىسى ءراپىل جوشىباەۆ جانە قىرعىزستاننىڭ اۋىل، سۋ جانە ورمان شارۋاشىلىعى ءمينيسترىنىڭ ورىنباسارى ازامات مۋكاشەۆ قاتىستى.

جۇك بارلىق سانيتارلىق-ەپيدەميولوگيالىق نورمالار ساقتالا وتىرىپ، تەمىرجول ارقىلى 75 ۆاگونمەن جەتكىزىلدى.

ءمينيستردىڭ ورىنباسارى ا.مۋكاشەۆ قىرعىز تاراپى قازاقستان ۇكىمەتىنىڭ كورسەتكەن كومەگىنى جوعارى باعالايتىنىن باۋىرلاس قازاق حالقىنا تەرەڭ ريزاشىلىق بىلدىرەتىنىن جانە اتاپ ءوتتى.

مەملەكەت باسشىسى قىرعىز رەسپۋبليكاسىمەن ءداستۇرلى دوستىق، وداقتاستىق جانە ستراتەگيالىق ارىپتەستىك قاعيداتتارىن باسشىلىققا الا وتىرىپ، قازاقستان حالقىنىڭ اتىنان باۋىرلاس قىرعىز حالقىنا گۋمانيتارلىق كومەك كورسەتۋ تۋرالى شەشىم قابىلداعانى بەلگىلى. بەرىلەتىن گۋمانيتارلىق كومەكتىڭ جالپى كولەمى 10 مىڭ توننا ۇندى قۇرايدى.

ايتا كەتۋ كەرەك، COVID-19 پاندەمياسى باستالعالى بەرى قازاقستان قىرعىز تاراپىنىڭ ءوتىنىشى نەگىزىندە قىرعىزستانعا گۋمانيتارلىق كومەك كورسەتىپ كەلەدى. اتاپ ايتقاندا، 2020 جىلدىڭ مامىر ايىندا كورشى ەلگە 5 مىڭ توننا قازاقستاندىق ۇن تەگىن بەرىلدى. ال سول جىلعى قاراشادا قازاقستان ۇكىمەتى قىرعىزستانعا ەلىمىزدە شىعارىلعان 400 ءپورتاتيۆتى وكپە جەلدەتۋ اپپاراتى مەن 2 ملن مەديتسينالىق بەتپەردە جىبەردى.

Abai.kz

1 پىكىر