بۇگىن،  19 مامىردا قازاقستان رەسپۋبليكاسى ءىىم ماقان ەسبولاتوۆ اتىنداعى الماتى اكادەمياسى "TALAP" قولدانبالى زەرتتەۋلەر ورتالىعىمەن بىرلەسىپ، قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قاۋىپسىزدىك كەڭەسى اپپاراتىنىڭ وتىرىسىندا ايتىلعان تاپسىرماسى شەڭبەرىندە جانە ىشكى ىستەر ءمينيسترى پوليتسيا گەنەرال-لەيتەنانتى ەرلان زامانبەكۇلى تۇرعىمباەۆتىڭ باستاماسى بويىنشا حالىقارالىق بالالاردى قورعاۋ كۇنىنە وراي "كامەلەتكە تولماعاندارعا قاتىستى قۇقىق بۇزۋشىلىقتارعا قارسى ءىس-قيمىل: پروبلەمالار مەن شەشۋ جولدارى" اتتى حالىقارالىق عىلىمي-پراكتيكالىق كونفەرەنتسيا وتكىزدى.

اتالعان ءىس – شارانىڭ ماقساتى-بالالاردى وتباسىلىق-تۇرمىستىق جانە سەكسۋالدىق زورلىق-زومبىلىقتان قورعاۋ، قازىرگى زاماننىڭ شىندىعىنا سايكەس  كامەلەتكە تولماعانداردىڭ قاۋىپسىزدىگى مەن قۇقىقتارىن قورعاۋدى قامتاماسىز ەتۋ تەتىكتەرىن جەتىلدىرۋ.

كونفەرەنتسيا تاقىرىبىنىڭ وزەكتىلىگى ەلدىڭ بولاشاعى ءۇشىن ەلەۋلى قاتەر توندىرەتىن جانە جاستاردىڭ تولىققاندى دامۋى، ءاربىر تۇلعانىڭ قالىپتاسۋى ءۇشىن تەرىس سالدارلارعا اكەپ سوعاتىن بالالارعا قاتىستى قۇقىق بۇزۋشىلىقتاردىڭ وسۋىنە بايلانىستى كۇن تارتىبىنەن تۇسپەي تۇر.

كونفەرەنتسيانى قازاقستان رەسپۋبليكاسىنىڭ ىشكى ىستەر ءمينيسترى، پوليتسيا گەنەرال-لەيتەنانتى ە.ز. تۇرعىمباەۆ اشتى. ول ءوز سوزىندە كامەلەتكە تولماعاندارعا قاتىستى قۇقىق بۇزۋشىلىقتاردىڭ الدىن الۋعا بايلانىستى وزەكتى ماسەلەلەرگە، سونداي-اق ولاردى شەشۋ بويىنشا ءىىم قىزمەتىنىڭ نەگىزگى باعىتتارىنا نازار اۋداردى. قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى ءا.ءو. يسەكەشەۆ كونفەرەنتسيا قاتىسۋشىلارىنا ارناپ  قۇتتىقتاۋ ءسوز سويلەدى.

قر پارلامەنتى سەناتىنىڭ دەپۋتاتى د.و. نۇرجىگىت، قر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى د. ب. زاكيەۆا، قر بالا قۇقىقتارى جونىندەگى ۋاكىل ا. ساين، قر ادام قۇقىقتارى جونىندەگى ۋاكىل ە. ا. ءازىموۆا، قر بعم ۆيتسە-ءمينيسترى ب. ا. اسىلوۆا، قر ءىىم اكىمشىلىك پوليتسيا كوميتەتىنىڭ توراعاسى م. ا. بايمۇقاشەۆ، سونداي-اق باس پروكۋراتۋرانىڭ، قازاقستان زاڭگەرلەر وداعىنىڭ، يۋنيسەف، كامەلەتكە تولماعاندار ىستەرى جونىندەگى مامانداندىرىلعان سوتتىڭ، الماتى قالاسى اكىمدىگىنىڭ وكىلدەرى، ەلىمىزدىڭ جەتەكشى عالىمدارى جانە باسقا دا رەسەي ءىىم باسقارۋ اكادەمياسى جانە تۇركيا پوليتسيا اكادەمياسى، رەسەي ءىىم شىعىس ءسىبىر ينستيتۋتىنىڭ بەلسەندى وكىلدەرى اسا قىزىعۋشىلىق تانىتىپ، قاتىستى. سونىمەن قاتار، عىلىمي ءىس-شاراعا قازاقستان رەسپۋبليكاسى ءىىم بارلىق اۋماقتىق پوليتسيا جانە قىلمىستىق-اتقارۋ جۇيەسى دەپارتامەنتتەرىنىڭ باسشىلارى بولدى.

القالى جيىننىڭ مودەراتور تىزگىنىن "تالاپ" قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ پەن ءىىم الماتى اكادەمياسىنىڭ باستىعى ايدار سايتبەكوۆ ۇستادى.

قاتىسۋشىلاردىڭ جوعارى مارتەبەسى كونفەرەنتسيا تاقىرىبىنىڭ جانە ونىڭ شەڭبەرىندە قارالاتىن پروبلەمالاردىڭ وزەكتىلىگىن راستادى. سونىمەن، كونفەرەنتسيا بارىسىندا ەڭ وزەكتى ماسەلەلەر تالقىلاندى:

كامەلەتكە تولماعاندارعا قاتىستى قۇقىق بۇزۋشىلىقتار ءۇشىن جاۋاپكەرشىلىكتى رەتتەيتىن زاڭنامانى جەتىلدىرۋ بويىنشا; بالالاردى قورعاۋداعى ۆەدومستۆوارالىق ءتاسىل; كامەلەتكە تولماعانداردى ەكسترەميستىك ۇيىمدارعا تارتۋعا قارسى ءىس-قيمىل; بالالارعا قاتىستى زورلىق-زومبىلىقتى جويۋ ستراتەگيالارى; ومىرلىك داعدارىستىق جاعدايعا تاپ بولعان كامەلەتكە تولماعاندارعا پسيحولوگيالىق كومەك كورسەتۋ ەرەكشەلىكتەرى تۋرالى جانە باسقا دا كوپتەگەن ماسەلەلەر قارالدى.

ءىس-شارانىڭ ناتيجەلەرى بويىنشا كونفەرەنتسيانىڭ بارلىق قاتىسۋشىلارىمەن ماقۇلدانعان قارار دايىندالدى. مۇنداي كونفەرەنتسيا قوعام ءۇشىن بالالاردىڭ قۇقىقتارى مەن قوعامدى بىرىكتىرۋدەگى، جاھاندىق، ايماقتىق جانە ۇلتتىق دەڭگەيدە قاۋىپسىزدىك پەن تۇراقتىلىقتى قامتاماسىز ەتۋدەگى ءرولى مەن ماڭىزدىلىعى جوعارى بولارى ءسوزسسىز.

عىلىمي ءىس-شارانىڭ تىكەلەي ەفيرى ZOOM جانە Instagram باعدارلامالارىنىڭ كومەگىمەن جۇزەگە اسىرىلدى.

Abai.kz