سارسەنبى, 28 شىلدە 2021
بيلىك 2431 1 پىكىر 21 مامىر, 2021 ساعات 11:29

«پارلامەنت ءسوزى» سىيلىعىنا وتىنىمدەر قابىلداۋ باستالدى

بۇگىننەن باستاپ ءماجىلىس زاڭ شىعارۋ قىزمەتىن ۇزدىك ناسيحاتتاعان جۋرناليستەرگە ارنالعان «پارلامەنت ءسوزى» سىيلىعىنا ۇمىتكەرلەردەن ءوتىنىم قابىلداۋدى باستايدى.

ارنايى پارلامەنتتىك سىيلىق 2016 جىلى پالاتا سپيكەرى نۇرلان نىعماتۋليننىڭ توراعالىعىمەن وتكەن ءماجىلىس بيۋروسىنىڭ شەشىمى بويىنشا تاعايىندالعان.

پاندەميا جاعدايىنا قاراماستان ءماجىلىستىڭ زاڭ شىعارۋ جۇمىسى تۇراقتى جانە اشىق تۇردە جۇرگىزىلىپ، بارلىق ءىس-شارالار بويىنشا مالىمەتتەر  بۇقارالىق اقپارات قۇرالدارىنىڭ وكىلدەرىنە جۇيەلى تۇردە ۇسىنىلىپ وتىردى.

ءداستۇرلى تۇردە  قورىتىندىلاۋ جانە سىيلىق جەڭىمپازدارىن انىقتاۋ جۋرناليستەردىڭ كاسىبي مەرەكەسى - بۇقارالىق اقپارات قۇرالدارى قىزمەتكەرلەرى كۇنى قارساڭىندا وتەدى.

اتاۋلى سىيلىققا پالاتا­نىڭ زاڭ شىعارۋشىلىق قىز­مەتى جايىندا 2020 جىلدىڭ قىر­كۇيەگى مەن 2021 جىلعى 15 ماۋسىم ارالىعىندا جاريالانعان جانە ەفيرگە شىققان ماتەريالدار قابىلدانادى.

جەڭىمپازدار ءماجى­لىستىڭ قىزمەتى تۋرالى ۇزدىك تەلەۆيزيالىق، مەرزىمدىك ءباسپاسوز، عالامتور مەن راديوماتەريالدار، سونىمەن بىرگە، فوتو جانە بەي­نە-ماتەريالدار بويىنشا انىق­تالادى. سونداي-اق، قازاقستانداعى پارلامەنتتىك جۋرناليستيكانى دامىتۋعا قوسقان ۇلەسى ءۇشىن نوميناتسياسى دا اتالىپ وتىلەدى.

وتىنىمدەر 2021 جىلدىڭ 18 ماۋ­سىمىنا دەيىن قابىلدانادى.

قوسىمشا اقپاراتتى ءماجىلىستىڭ www.parlam.kz رەسمي سايتىنان الۋعا بولادى.

Abai.kz

1 پىكىر