تاسس اگەنتتىگى باس ديرەكتورىنىڭ ءبىرىنشى ورىنباسارى ميحايل گۋسمان «ەحو موسكۆى» راديوسىنىڭ باعدارلاماسى بارىسىندا قازاقستان پرەزيدەنتى قاسىم-جومارت توقاەۆقا باعا بەردى. 

«قاسىم-جومارت توقاەۆ ءتۇرلى كەزەڭدە قازاقستاندا قانداي ەڭ ءىرى ايقىنداۋشى پوزيتسيا مەن لاۋازىم بولسا، سولاردىڭ بارلىعىندا قىزمەت اتقاردى. ول سىرتقى ىستەر ءمينيسترى، سەنات توراعاسى بولدى. پرەزيدەنتتىك رەزيدەنتسياعا كەلگەنگە دەيىنگى ءومىرىنىڭ باسىم بولىگى ديپلوماتيالىق قىزمەتپەن بايلانىستى. ول كاسىبى بويىنشا دا، اڭگىمەلەسۋ مانەرى بويىنشا دا ناعىز ديپلومات»، - دەدى ميحايل گۋسمان.

«قاسىم-جومارت كەمەلۇلى بارىنشا بايسالدى، ديپلوماتيالىق مانەردە سويلەيتىن، ءاربىر ءسوزى اۋەلگى ايتقان سوزىمەن استاسىپ جاتاتىن ادام. ونىڭ اڭگىمەلەسۋ فورماسى وتە تارتىمدى»، - دەپ قوستى تاسس اگەنتتىگى باس ديرەكتورىنىڭ ءبىرىنشى ورىنباسارى.

سونىمەن قاتار ول وسىدان ءبىر جىل بۇرىن قازاقستان پرەزيدەنتى قاسىم-جومارت توقاەۆتان سۇحبات العان كەزىندەگى اسەرىمەن ءبولىستى.

ەستەرىڭىزگە سالا كەتسەك، وتكەن جىلدىڭ مامىرىندا قازاقستان پرەزيدەنتى قاسىم-جومارت توقاەۆ تاسس اگەنتتىگى باس ديرەكتورىنىڭ ءبىرىنشى ورىنباسارى ميحايل گۋسمانعا ەكسكليۋزيۆتى سۇحبات بەرگەن بولاتىن.

Abai.kz