مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. بۇل – وتە ماڭىزدى قۇجات.

ەندى، ەلىمىزدەگى سايلاۋ جۇيەسى جاڭا تالاپتار بويىنشا جۇمىس ىستەيدى. اۋداندىق دەڭگەيدەگى قالالاردىڭ، اۋىلداردىڭ، كەنتتەردىڭ جانە اۋىلدىق وكرۋگتەردىڭ اكىمدەرىن سايلاۋ – جەرگىلىكتى جەردەگى مەملەكەتتىك باسقارۋعا حالىقتىڭ تىكەلەي قاتىسۋىن قامتاماسىز ەتۋ جولىندا جاسالعان بىرەگەي قادام. بيىل وسى زاڭ بويىنشا 800-دەن استام ەلدى-مەكەندە اكىمدەر سايلاۋى وتەدى.

سونىمەن بىرگە، ساياسي پارتيالاردىڭ پارلامەنت پەن ماسليحاتقا وتۋىنە قويىلعان 7 پايىزدىق شەك 5 پايىزعا دەيىن تومەندەتىلدى. اتالعان شەشىم ساياسي باسەكەنى كۇشەيتىپ، سايلاۋ ۇدەرىسىنە تىڭ سەرپىن بەرەرى ءسوزسىز.

وعان قوسا، بۇدان بىلاي سايلاۋ بيۋللەتەندەرىنە «بارىنە قارسى» دەگەن باعان ەنگىزىلەدى. بۇل سايلاۋشىلاردىڭ تاڭداۋ قۇقىعىن تولىق جۇزەگە اسىرۋعا مۇمكىندىك بەرەدى.

وسىلايشا، پرەزيدەنتتىڭ باستاماسىمەن قولعا الىنعان ساياسي رەفورمالاردىڭ ءبىرىنشى، ەكىنشى جانە ءۇشىنشى توپتاماسىندا كوزدەلگەن نەگىزگى ۇسىنىستار زاڭ نورمالارىنا اينالىپ، ىسكە استى. مۇنىڭ ءبارى ۇلتتىق قوعامدىق سەنىم كەڭەسى اياسىندا كوتەرىلىپ، پىسىقتالعانىن بىلەسىزدەر.

شىن مانىندە، بۇل – مەملەكەت باسشىسى باسا ءمان بەرىپ وتىرعان قازاقستانداعى ساياسي ديالوگتىڭ ناقتى جەمىسى.

بۇل باستامالاردى پرەزيدەنت جىل باسىندا، قاڭتاردىڭ 15-ىندە جاڭا پارلامەنتتىڭ العاشقى وتىرىسىندا جاريالاعان بولاتىن. مىنە، بەس اي وتپەي اق جاڭا باستامالار زاڭ نورمالارى رەتىندە بەكىتىلدى.

ەرلان كارين

Abai.kz