قازاقستاننىڭ ۇلتتىق قورىندا 58,5 ملرد دوللار اقشا بار. بۇل تۋرالى قارجى ءمينيسترى ەرۇلان جاماۋباەۆ ەسەپ بەرۋ جينالىسىندا ايتتى. 

«بيۋدجەتتىك پروتسەستىڭ ماڭىزدى كومپونەنتى – ول ۇلتتىق قور. بيىلعى 1 ماۋسىمداعى جاعداي بويىنشا ونىڭ اكتيۆى 27,6 ترلن تەڭگەنى قۇرادى، ونىڭ ىشىندە ۆاليۋتالىق پورتفەل 58,5 ملرد دوللار. اتاپ ايتقاندا، 2020 جىلدىڭ قورىتىندىسى بويىنشا ۇلتتىق قور 744 ملرد تەڭگەگە ءوستى»، - دەدى ە. جاماۋباەۆ.

ونىڭ ايتۋىنشا، مينيسترلىك تاراپىنان قوردىڭ جيناق قىزمەتىن كۇشەيتۋگە باعىتتالعان جۇيەلى جۇمىستار جۇرگىزىلىپ جاتىر.

«وسى ورايدا ۇلتتىق قوردان كەپىلدى ترانسفەرت كولەمىن بىرتىندەپ قىسقارتۋ بويىنشا بيۋدجەت كودەكسىنە تۇزەتۋلەر ەنگىزىلدى. بۇل قادامدار ۇلتتىق قور اكتيۆتەرىنىڭ جيناقتالۋىنا ىقپال ەتىپ، مۇنايلى ەمەس تاپشىلىقتى بىرتىندەپ تومەندەتۋگە مۇمكىندىك بەرەدى»، - دەدى مينيستر.

Abai.kz