استانا. 14 مامىر. قازاقپارات - ءساۋىر ايىنىڭ سوڭعى اپتاسىندا استانا قالالىق جاستار تەاترى قۇرىلعانىنا 5 جىل تولۋىنا وراي، اكەمتەاتر ساحناسىندا الماتىلىق كورەرمەندەرگە ەسەپ بەردى.

تەاتر ۇجىمى التى كۇن قاتارىنان كورەرمەنگە «ءشول ۇستىندەگى ءولى تىنىشتىق» (ش.ايتماتوۆ، ءا.كەكىلباي), «عايىپتاعى ماحاببات سازى» (د.سالامات), «ديليافرۋزدىڭ ءتورت كۇيەۋى» (ت.ميننۋللين), «مەككەگە قاراي ۇزاق جول» (س.راەۆ), «كارمەن» (بيزە-ششەدرين), «رەۆيزور» (گوگول) قويىلىمدارىن ۇسىندى.

«الماتى اقشامى» گازەتىنىڭ ءتىلشىسى روزا ارەنگە قر ەڭبەك سىڭىرگەن قايراتكەرى، استانا قالالىق جاستار تەاترىنىڭ باس رەجيسسەرى نۇرقانات جاقىپباي سۇحبات بەرگەن (باسىلىمنىڭ سەنبى، 12 مامىردا شىققان سانى).

ءتىلشىنىڭ: «استانا رەسمي قالا عوي. وندا تەاترعا نەگىزىنەن كىمدەر كەلەدى؟»، - دەگەن سۇراعىنا ن.جاقىپباي: «ول جاقتا تەاترعا شەنەۋنىكتەر كەلمەيدى. ءبىزدىڭ نەگىزگى كورەرمەندەرىمىز - ستۋدەنتتەر مەن جوعارى سىنىپ وقۋشىلارى. اراسىندا كادىمگىدەي جانكۇيەر بولىپ العان فانات جاستار بار. ولار تەاتردىڭ ارتىستەرىمەن عالامتور ارقىلى تىلدەسىپ، قويىلىم ۋاقىتىن سۇراپ، بارىنەن حاباردار بولىپ وتىرادى»، - دەپ جاۋاپ بەردى.

سونداي-اق تەاتردىڭ باس رەجيسسەرى، استانا جاستارىن مادەني-رۋحاني ازىقتاندىرىپ جۇرگەن ۇجىم اكتەرلارى شەتىنەن باسپانامەن قامتاماسىز ەتىلىپ جاتقانىن ايتتى.

استانا. 14 مامىر. قازاقپارات - ءساۋىر ايىنىڭ سوڭعى اپتاسىندا استانا قالالىق جاستار تەاترى قۇرىلعانىنا 5 جىل تولۋىنا وراي، اكەمتەاتر ساحناسىندا الماتىلىق كورەرمەندەرگە ەسەپ بەردى.

تەاتر ۇجىمى التى كۇن قاتارىنان كورەرمەنگە «ءشول ۇستىندەگى ءولى تىنىشتىق» (ش.ايتماتوۆ، ءا.كەكىلباي), «عايىپتاعى ماحاببات سازى» (د.سالامات), «ديليافرۋزدىڭ ءتورت كۇيەۋى» (ت.ميننۋللين), «مەككەگە قاراي ۇزاق جول» (س.راەۆ), «كارمەن» (بيزە-ششەدرين), «رەۆيزور» (گوگول) قويىلىمدارىن ۇسىندى.

«الماتى اقشامى» گازەتىنىڭ ءتىلشىسى روزا ارەنگە قر ەڭبەك سىڭىرگەن قايراتكەرى، استانا قالالىق جاستار تەاترىنىڭ باس رەجيسسەرى نۇرقانات جاقىپباي سۇحبات بەرگەن (باسىلىمنىڭ سەنبى، 12 مامىردا شىققان سانى).

ءتىلشىنىڭ: «استانا رەسمي قالا عوي. وندا تەاترعا نەگىزىنەن كىمدەر كەلەدى؟»، - دەگەن سۇراعىنا ن.جاقىپباي: «ول جاقتا تەاترعا شەنەۋنىكتەر كەلمەيدى. ءبىزدىڭ نەگىزگى كورەرمەندەرىمىز - ستۋدەنتتەر مەن جوعارى سىنىپ وقۋشىلارى. اراسىندا كادىمگىدەي جانكۇيەر بولىپ العان فانات جاستار بار. ولار تەاتردىڭ ارتىستەرىمەن عالامتور ارقىلى تىلدەسىپ، قويىلىم ۋاقىتىن سۇراپ، بارىنەن حاباردار بولىپ وتىرادى»، - دەپ جاۋاپ بەردى.

سونداي-اق تەاتردىڭ باس رەجيسسەرى، استانا جاستارىن مادەني-رۋحاني ازىقتاندىرىپ جۇرگەن ۇجىم اكتەرلارى شەتىنەن باسپانامەن قامتاماسىز ەتىلىپ جاتقانىن ايتتى.

«قازىر ءبارى دۇرىستالدى. ارتىستەر تەاترعا ەكى لەكپەن كەلگەن-ءدى. 2007 جىلى تەاترعا العاش كەلگەن ارتىستەر بيىل ءۇي الدى. قازىر جارتى ترۋپپانىڭ ءۇيى بار. قالا اكىمى يمانعالي تاسماعامبەتوۆ بىزگە جاڭا وقۋشىلار سارايىنىڭ ىشىنەن 500 ورىندىق تەاتر بەردى. قازىر ەڭ سوڭعى تەحنيكامەن جابدىقتالعان تەاتردىڭ رەپەتيتسيا زالىندا دايىندالىپ ءجۇرمىز. جاقىن ارالىقتا سوندا جاڭا پرەمەرالارىمىزدى قويامىز. بالالاردىڭ جالاقىسى جاقسى، كولىكتەرى، ۇيلەرى دە بار. ارتىسكە ودان ارتىق نە كەرەك؟ جاعدايدى جاساپ بەردى، ەندى بىزگە جاقسىلاپ ەڭبەك ەتۋ عانا قالادى»، دەپ اۋىز تولتىرىپ جاۋاپ بەردى ن.جاقىپباي.