قوعام بەلسەندىسى جانبولات ماماي بۇگىن جاڭا كونستيتۋتسيانى جازىپ شىققانىن جاريالاپ، ونىڭ جوباسىن ءوز قوزعالىسىنىڭ سايتىندا جاريالادى. ماماي قوزعالىسى جازىپ شىققان كونستيتۋتسيا 11 ءبولىم، 138 باپتان تۇرادى.

1-باپتا: "قازاقستان رەسپۋبليكاسى رەسپۋبليكالىق باسقارۋ جۇيەسى ورناعان تاۋەلسىز، دەموكراتيالىق، قۇقىقتىق، زايىرلى جانە الەۋمەتتىك مەملەكەت بولىپ تابىلادى. بيلىكتىڭ قاينار كوزى حالىق بولىپ تابىلادى", - دەپ كەلتىرىپتى.

10-باپتا جەر ماسەلەسىن قاراستىرىپتى. وندا بىلاي دەلىنگەن: "جەر تەك قانا مەملەكەت مەنشىگىندە بولادى. شەتەلدىك ازاماتتار، شەتەلدىك زاڭدى تۇلعالار جانە ازاماتتىعى جوق ادامدار جەردى جالعا دا، ساتىپ تا الا المايدى".

ال 22-باپتا شەشىمىن تاپپاي كەلە جاتقان مەملەكەتتىك ءتىل جايلى جازادى: "قازاقستان رەسپۋبليكاسىنىڭ مەملەكەتتىك ءتىلى — قازاق ءتىلى. قازاقستان رەسپۋبليكاسى ورىس ءتىلىن جانە باسقا ەتنيكالىق ازشىلىقتاردىڭ تىلدەرىن ساقتاۋعا قۇقىق بەرەدى. ءاربىر ازامات ءوزىنىڭ بالالارىن تاربيەلەۋ مەن ۇيرەتۋدە ءوزىنىڭ انا ءتىلىن قولدانۋعا قۇقى بار", - دەلىنگەن.

24-باپتا ول ەل استاناسىنا قاتىستى ءسوز قوزعايدى. وندا: "قازاقستان رەسپۋبليكاسىنىڭ استاناسى - الاش-وردا قالاسى بولىپ تابىلادى", - دەلىنگەن.

ەستەرىڭىزدە بولسا بەلسەندى جانبولات ماماي مەن باۋىرجان بايبەك اراسىنداعى سوت پروتسەسى ەكى كۇن بۇرىن اياقتالدى. وندا جانبولات ماماي كىنالى دەپ تابىلىپ، 800 مىڭ تەڭگە وتەماقى تولەۋگە جانە باۋىرجان بايبەكتى ايىپتاعان بارلىق ۆيدەولارىن وشىرۋگە مىندەتتەلگەن بولاتىن.

Abai.kz