الماتى. 15 مامىر. قازاقپارات - 2010 جىلى دەنساۋلىق ساقتاۋ سالاسىنا جۇمسالعان جالپى شىعىن رەسپۋبليكالىق دەنساۋلىق ساقتاۋ ورتالىعىنىڭ الدىن الا مالىمەتتەرىنە قاراعاندا 2010 جىلى 882,2 ملرد. تەڭگەنى نەمەسە جالپى ىشكى ءونىمنىڭ 4,04 پايىزىن

قۇرادى. ونى «قازاقستاندا دەنساۋلىق ساقتاۋ سالاسىنداعى ۇلتتىق شوتتار جۇيەسىن ىلگەرىلەتۋ» جوباسىن جۇزەگە اسىرۋشىلار بۇگىن الماتىدا وتكىزگەن ءباسپاسوز ءماسليحاتىندا ايتتى.

الماتى. 15 مامىر. قازاقپارات - 2010 جىلى دەنساۋلىق ساقتاۋ سالاسىنا جۇمسالعان جالپى شىعىن رەسپۋبليكالىق دەنساۋلىق ساقتاۋ ورتالىعىنىڭ الدىن الا مالىمەتتەرىنە قاراعاندا 2010 جىلى 882,2 ملرد. تەڭگەنى نەمەسە جالپى ىشكى ءونىمنىڭ 4,04 پايىزىن

قۇرادى. ونى «قازاقستاندا دەنساۋلىق ساقتاۋ سالاسىنداعى ۇلتتىق شوتتار جۇيەسىن ىلگەرىلەتۋ» جوباسىن جۇزەگە اسىرۋشىلار بۇگىن الماتىدا وتكىزگەن ءباسپاسوز ءماسليحاتىندا ايتتى.

«قازاقستاندا سوڭعى 10 جىلدا دەنساۋلىق ساقتاۋ سالاسىنا كەتكەن شىعىن كولەمى 10 ەسەگە ارتتى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرىنە قاراعاندا ەلىمىزدەگى دەنساۋلىق ساقتاۋعا كەتەتىن بارلىق شىعىننىڭ 41 پايىزعا جۋىعى جەكە سەكتوردىڭ ۇلەسىنە تيەسىلى. ونىڭ 99 پايىزى حالىقتىڭ قالتاسىنان شىعارىلاتىن بولسا، تەك 1 پايىزى  عانا ساقتاندىرۋ كومپانيالارى ەسەبىنەن تولەنەدى»، - دەيدى قازاقستاندا دەنساۋلىق ساقتاۋ سالاسىنداعى ۇلتتىق شوتتار جۇيەسىن ىلگەرىلەتۋ» (دسۇش) جوباسىنىڭ جەتەكشىسى ماريا ۋماروۆا. ونىڭ ايتۋىنشا، الەمدىك تاجىريبەدە دسۇش نەگىزىندەگى مالىمەتتەردى تالداۋدان كەيىن دەنساۋلىق ساقتاۋ سالاسىن قارجىلاندىرۋ بويىنشا ەلەۋلى وزگەرىستەرگە باستاما بەرىلدى. ونى  ەنگىزۋ دەنساۋلىق ساقتاۋعا كەتەتىن شىعىنداردى ناقتى مالىمەتتەرگە سۇيەنە وتىرىپ ءتيىمدى تۇردە جوسپارلاۋعا مۇمكىندىك بەرەدى. ونى قولدانۋ دەنساۋلىق ساقتاۋدىڭ مەملەكەت تاراپىنان بەلسەندى تۇردە رەفورمالانىپ جاتقان جۇيەلەرى ءۇشىن ەرەكشە ماڭىزعا يە. ماسەلەن، شىعىندى جوسپارلاۋ كەزىندە دسۇش مالىمەتتەرىن ەسەپكە العاندا، ساقتاندىرۋ مەديتسيناسىنا اۋىسۋ، ەمحانالار مەن اۋرۋحانالاردى سالۋ جونىندەگى ماسەلەلەردى شەشۋ بارىنشا تياناقتى ءارى ءتيىمدى بولادى.