قاراعاندى. 15 مامىر. قازاقپارات - بۇگىن قاراعاندى قالاسىنداعى «بەسوبا» تۇرعىن ءۇي كەشەنىندەگى ءۇيدىڭ وپىرىلىپ قۇلاۋىنا الىپ كەلگەن تەحنوگەندىك سيپاتتاعى توتەنشە جاعدايدىڭ ورىن الۋ سەبەپتەرىن تەرگەۋ اكتىسى كوپشىلىككە جاريا ەتىلدى.

«توتەنشە جاعدايدىڭ ورىن الۋىنىڭ باستى سەبەپتەرى: تاپسىرىس بەرۋشىنىڭ (قۇرىلىستى جۇرگىزۋشى) ناقتى ينجەنەرلىك-گەولوگيالىق مالىمەتتەردى قامتاماسىز ەتۋدە، باستاپقى دەرەكتەردى جيناۋ كەزەڭىندە ليتسەنزيالانعان جوبالىق ۇيىمدى تارتۋدا، كەشەندى جوبالاۋ جانە نولدىك تسيكلدى (2005-2006 جج.) سالۋدا ءوز مىندەتتەرىنە سالعىرت قاراعاندىعى بولىپ وتىر»، - دەلىنەدى قاراعاندى اكىمدىگىنىڭ رەسمي سايتىندا جاريالانعان تج سەبەپتەرىن تەرگەۋ اكتىسىندە.

قورىتىندىلارعا سايكەس، جىبەرىلگەن ورەسكەل بۇزۋشىلىقتار، سونداي-اق «وسىنداي گەولوگيالىق مالىمەتتەرمەن وسىعان ۇقساس جوبالار بويىنشا سالىنعان» ءبۇتىن «بەسوبا» تۇرعىن ءۇي كەشەنىنىڭ قالىپتى جاعدايىنا قاۋىپ توندىرۋدە.

ساراپشىلار ءۇيدىڭ ءبىر بولىگىنىڭ وپىرىلىپ قۇلاۋىنىڭ نەگىزگى تەحنيكالىق سەبەپتەرى قر «عيماراتتار مەن قۇرىلىستاردىڭ نەگىزدەرى» قۇرىلىس نورمالارى مەن ەرەجەلەرىنىڭ بۇزىلۋى بولعاندىعىن اتاپ كورسەتتى.

قاراعاندى. 15 مامىر. قازاقپارات - بۇگىن قاراعاندى قالاسىنداعى «بەسوبا» تۇرعىن ءۇي كەشەنىندەگى ءۇيدىڭ وپىرىلىپ قۇلاۋىنا الىپ كەلگەن تەحنوگەندىك سيپاتتاعى توتەنشە جاعدايدىڭ ورىن الۋ سەبەپتەرىن تەرگەۋ اكتىسى كوپشىلىككە جاريا ەتىلدى.

«توتەنشە جاعدايدىڭ ورىن الۋىنىڭ باستى سەبەپتەرى: تاپسىرىس بەرۋشىنىڭ (قۇرىلىستى جۇرگىزۋشى) ناقتى ينجەنەرلىك-گەولوگيالىق مالىمەتتەردى قامتاماسىز ەتۋدە، باستاپقى دەرەكتەردى جيناۋ كەزەڭىندە ليتسەنزيالانعان جوبالىق ۇيىمدى تارتۋدا، كەشەندى جوبالاۋ جانە نولدىك تسيكلدى (2005-2006 جج.) سالۋدا ءوز مىندەتتەرىنە سالعىرت قاراعاندىعى بولىپ وتىر»، - دەلىنەدى قاراعاندى اكىمدىگىنىڭ رەسمي سايتىندا جاريالانعان تج سەبەپتەرىن تەرگەۋ اكتىسىندە.

قورىتىندىلارعا سايكەس، جىبەرىلگەن ورەسكەل بۇزۋشىلىقتار، سونداي-اق «وسىنداي گەولوگيالىق مالىمەتتەرمەن وسىعان ۇقساس جوبالار بويىنشا سالىنعان» ءبۇتىن «بەسوبا» تۇرعىن ءۇي كەشەنىنىڭ قالىپتى جاعدايىنا قاۋىپ توندىرۋدە.

ساراپشىلار ءۇيدىڭ ءبىر بولىگىنىڭ وپىرىلىپ قۇلاۋىنىڭ نەگىزگى تەحنيكالىق سەبەپتەرى قر «عيماراتتار مەن قۇرىلىستاردىڭ نەگىزدەرى» قۇرىلىس نورمالارى مەن ەرەجەلەرىنىڭ بۇزىلۋى بولعاندىعىن اتاپ كورسەتتى.

№ 7 ۇيدەگى ەكىنشى بلوكتىڭ اپاتتىق جاعدايىن ۇدەتە تۇسكەن قوسىمشا تەحنيكالىق سەبەپتەر: بەتون بەرىكتىگىنىڭ جەتكىلىكسىز بولۋى، عيماراتتىڭ كولدەنەڭ باعىتتا ءتيىستى بەرىكتىگىنىڭ بولماۋى»، - دەلىنەدى اكتىدە. ساراپشىلار انىقتاعانداي، № 7 ۇيدەگى ەكىنشى بلوكتىڭ كونسترۋكتيۆتىك شەشىمى جۇمىس جوباسىنا تولىعىمەن سايكەس كەلمەيدى.

ەستەرىڭىزگە سالا كەتەيىك، 6 ءساۋىر كۇنى قاراعاندىنىڭ «بەسوبا» شاعىناۋدانىندا ۇلەسكەرلەردىڭ قاراجاتىنا ءۇش جىل بۇرىن سالىنعان بەس قاباتتى تۇرعىن ءۇيدىڭ 4 كىرەبەرىسى بار بلوگى وپىرىلىپ قۇلادى. قۇرباندار مەن زارداپ شەككەندەر جوق.

اتالمىش تۇرعىن ۇيدە 1 ءساۋىر كۇنى سالماق تۇسەتىن نەگىزگى قۇرىلىس كونسترۋكتسيالارى بۇزىلعان بولاتىن.

اپاتتى ۇيدەن 138 ادام كوشىرىلگەن ەدى. قاراعاندى اكىمدىگىنىڭ 3 ساۋىردەگى وكىمىمەن االدىن الا شارالار كەشەنىن ورىنداۋ ءۇشىن ۇيگە تج رەجىمى ەنگىزىلدى.

قاراعاندىدا «بەسوبا» شاعىناۋدانىنداعى بەس قاباتتى تۇرعىن ءۇيدىڭ ءبىر بولىگىنىڭ وپىرىلىپ قۇلاۋ فاكتىسى بويىنشا مامانداندىرىلعان پروكۋرور قر قك-ءنىڭ 307 بابى (قىزمەتتىك وكىلەتتىگىنە قيانات ەتۋ) بويىنشا قىلمىستىق ءىس قوزعادى. كەيىن ۇيلەردى سالعان قۇرىلىس ۇيىمدارىنا قاتىستى قر قك-ءنىڭ 245 بابىنىڭ 2 بولىمىمەن («اۋىر زارداپتارعا سوقتىرعان ساپاسىز قۇرىلىس») قىلمىستىق ءىس قوزعالدى.

الدىن الا باعالاۋ بويىنشا، وپىرىلىپ قۇلاعان ءۇيدىڭ تۇرعىندارىنا كەلتىرىلگەن شىعىن 545,3 ملن. تەڭگەنى،  سونىڭ ىشىندە جوق بولعان پاتەرلەردىڭ باعاسى - 328,8 ميلليون تەڭگەنى قۇرايدى. قالانىڭ بيلىك وكىلدەرى زارداپ شەككەن ادامداردارعا ءارتۇرلى ءماندى ءۇي ۇسىنۋعا ۋادە بەرۋدە.

ءۇيدىڭ قۇرىلىسىمەن اينالىسقان «سەرۆيسپرومسناب» جشس-ءنىڭ ديرەكتورى اندرەي ماليانوۆقا قاتىستى قارجى پوليتسياسى ۇلەسكەرلەردى الداۋ فاكتىسى بويىنشا قىلمىستىق ءىستى تەرگەۋ ۇستىندە. الدانعان ۇلەسكەرلەردىڭ اقشاسىن جىمقىرىپ، بوي تاسالاپ جۇرگەن كومپانيا باسشىسىنا ىزدەۋ سالىندى.