ەكىنشى دۇنيەجۇزىلىك سوعىستىڭ باستالعانىنا 80 جىل تولۋىنا وراي رەسەيدىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكين نۇر-سۇلتانداعى وتان قورعاۋشىلار ەسكەرتكىشىنە گۇل شوقتارىن قويدى.

«ۇلى وتان سوعىسى، گيتلەردىڭ گەرمانياعا شابۋىلى بۇكىل كەڭەس حالقى ءۇشىن اپات اكەلدى. بۇل وتان سوعىسى بولدى، سوندىقتان بارلىق حالىقتار ءوز وتانىن قورعاۋعا بەل بۋدى. قازاقستان دا بۇدان تىس قالمادى. ءبىز قازاقستاننىڭ دا مايدانداعى ۇلەسى تۋرالى، جەڭىس ءۇشىن وندىرىستىك قارۋ-جاراق پەن اسكەري تەحنيكا، ازىق-تۇلىكپەن ۇلەس قوسقانىن بىلەمىز. سول ءۇشىن ولارعا راحمەت», - دەدى بوروداۆكين.

سونداي-اق ول، ەكىنشى دۇنيەجۇزىلىك سوعىس جانە ونداعى جەڭىس «ءبىزدىڭ داڭقىمىز بەن ماقتانىشىمىز» ەكەنىن ەسكە ءتۇسىردى.

ونىڭ ايتۋىنشا، كەڭەس وداعىنا شابۋىلعا گەرمانيانىڭ ءوزى عانا قاتىسقان جوق، شىن مانىندە بۇكىل ەۋروپا - بارلىق دەرلىك ەۋروپالىق مەملەكەتتەر قاتىسقان.

«مەنىڭ ويىمشا، ءبىزدىڭ ناتسيستىك گەرمانيانى جەڭگەنىمىز جانە ەۋروپانى ازات ەتكەنىمىز ەۋروپالىق سەرىكتەستەرىمىزدىڭ جۇرەگىندە تۇرۋى كەرەك. بىراق قازىر ەۋروپادا بولىپ جاتقان وقيعالار بۇل شىندىقتى راستاي المايدى. ولار قازىر بىزبەن تاعى دا كۇش تىلىمەن سويلەسپەكشى. جانە وزدەرىنىڭ ەرەجەلەرى مەن ءتارتىبىن بىزگە مىندەتتەمەكشى. بىراق، تاريحتان بەلگىلى ءبىز بۇدان وتكەنبىز. ەكىنشى دۇنيەجۇزىلىك سوعىس ولارعا ساباق بولۋى كەرەك. رەسەيمەن كۇش تىلىندە سويلەسۋگە جانە بىزگە جات ەرەجەلەردى تىقپالاماۋعا ءتيىس», - دەدى بوروداۆكين.

Abai.kz