قازاقستان رەسپۋبليكاسى،

استانا قالاسى، ا.يمانوۆ، 13

تەل: 8 (7172) 73-15-34

ءباسپاسوز حابارلاماسى

استانا - 2012. مامىردىڭ 17-ءى كۇنى قازاق ءباسپاسوزى تاعى ءبىر تالعامى بيىك، تالابى زور اپتالىق گازەتپەن تولىقتى.

قۇندىلىقتاردىڭ قادىرى قاشىپ، قولىمىزداعى باردى قاستەرلەي الماي جۇرگەن مىنا قوعامدا «ۇلت TIMES» دەگەن اتپەن ءار بەيسەنبى سايىن شىعاتىن باسىلىمنىڭ نەگىزگى ماقساتى قانداي دەگەن ساۋالدىڭ تۋىنداۋى زاڭدى. سەبەبى قازىر نە كوپ، گازەت كوپ.

ىنتىماعى جاراسقان قوعام ىدىراۋدىڭ ءسال-اق الدىندا تۇر. «بىرلىگى جاراسقان» ءبىزدىڭ جۇرت بولشەكتەنۋگە بەت تۇزەگەن ءتارىزدى. جۇزگە بولىنگەن جىكشىلدىك جەرشىلدىككە ۇلاسىپ، ودان قالدى شاپتان تۇرتەر «شالاقازاق» پروبلەماسى شىعىپ جاتىر. جون ارقامىزعا جارا بوپ تۇسكەن جاڭاوزەن وقيعاسى دا بيلىك پەن بۇقارانىڭ اراسىنا سىنا بولىپ قاعىلعانداي...

قازاقستان رەسپۋبليكاسى،

استانا قالاسى، ا.يمانوۆ، 13

تەل: 8 (7172) 73-15-34

ءباسپاسوز حابارلاماسى

استانا - 2012. مامىردىڭ 17-ءى كۇنى قازاق ءباسپاسوزى تاعى ءبىر تالعامى بيىك، تالابى زور اپتالىق گازەتپەن تولىقتى.

قۇندىلىقتاردىڭ قادىرى قاشىپ، قولىمىزداعى باردى قاستەرلەي الماي جۇرگەن مىنا قوعامدا «ۇلت TIMES» دەگەن اتپەن ءار بەيسەنبى سايىن شىعاتىن باسىلىمنىڭ نەگىزگى ماقساتى قانداي دەگەن ساۋالدىڭ تۋىنداۋى زاڭدى. سەبەبى قازىر نە كوپ، گازەت كوپ.

ىنتىماعى جاراسقان قوعام ىدىراۋدىڭ ءسال-اق الدىندا تۇر. «بىرلىگى جاراسقان» ءبىزدىڭ جۇرت بولشەكتەنۋگە بەت تۇزەگەن ءتارىزدى. جۇزگە بولىنگەن جىكشىلدىك جەرشىلدىككە ۇلاسىپ، ودان قالدى شاپتان تۇرتەر «شالاقازاق» پروبلەماسى شىعىپ جاتىر. جون ارقامىزعا جارا بوپ تۇسكەن جاڭاوزەن وقيعاسى دا بيلىك پەن بۇقارانىڭ اراسىنا سىنا بولىپ قاعىلعانداي...

سىندارلى شاقتا وڭ-سولىن ايتادى-اۋ دەگەن وپپوزيتسيانىڭ دا وڭدىرىپ جۇرگەنى شامالى. قاداۋ-قاداۋ ماسەلەنى قاداپ ايتاتىن قادىرى بولماي تۇر.  ءوز ىشىنەن ىدىراپ، قىرىقپىشاقتانىپ كەتتى. بۇرىنعىنىڭ باس بولار وت ءتىلدى، وراق اۋىزدى بي-شەشەنى دە جوق. شەتىنەن تۇگەل مايموڭكە، ءارى جادىگوي! قايتپەك كەرەك؟ ءبىز وسى تۇستا قاجەتپىز-اۋ! راس، ءداپ وسى تۇستا «ۇلت TIMES» بوي كورسەتسە دەيمىز! ۇلتتى ۇيىستىرا الاتىنداي ۇنپاراققا اينالساق دەپ ارماندايمىز. قوعامنىڭ قوردالانىپ قالعان قوڭىر تىرلىگىن قولدان كەلگەنشە كوتەرۋگە كۇش سالساق دەپ ۇمىتتەنەتىن «ۇلت TIMES»-تىڭ ارمانى اسقاق.

گازەت بەتىندەگى قوسىمشا ايدارلاردىڭ قوس سوزدەردەن قۇرالۋى گازەتتىڭ وزىندىك ەرەكشەلىگىن ايقىندايدى. باسىلىمنىڭ العاشقى سانىنا «جاي-جاپسار» ايدارىمەن «ابايعا اسىرە اسپەتتىڭ قاجەتى جوق»، «قادىر-قاسيەت» ايدارىندا «اجەلەرىمىز ءاۋ دەسە، الەم-جالەمدەرىڭ ادىرە قالادى»، «قىم-قۋىت» ايدارىندا «قازاق بۋرجۋازياسى»، «بۇگە-شىگە» ايدارىندا «وكپەسى قىسىلعان الماتى»، «ءال-اۋقات» ايدارىندا «قارجى داعدارىسى-2: ءماسىموۆ ۇكىمەتى نەنى ەسكەرۋى كەرەك؟» اتتى ماقالالار كەتىپ بارادى.

«ناقپا-ناق»، «اڭگىمە-دۇكەن»، «قىم-قۋىت»، «ءال-اۋقات»، ، «تاعدىر-تاۋقىمەت»، «ءتۇپ-تۇقيان»، «ەل-جۇرت»، «سالت-سانا»، «جايما-شۋاق»  سىندى گازەتتەگى بەت اتاۋلارى قوعامنىڭ تۇيىتكىلدى ماسەلەلەرىن كوتەرۋدى ماقسات تۇتادى.

«Times» دەگەن اتاۋىندا تۇرعانداي، قازاقتىڭ ۇلت ساعاتى سوقتى! «ۇلت  Times»  ۇلتىمىزدىڭ ويانار ۋاقىتى كەلگەنىن ءبىلدىرسىن دەسەڭىز، بىزگە تىلەۋلەس بول، اعايىن!!!