ەلىمىزدىڭ جاس شاحماتشىلارى جۋىردا رۋمىنيادا وتكەن مەكتەپ وقۋشىلارى اراسىنداعى الەم چەمپيوناتىندا وزىندىك رەكورد جاساعانىن «جاس قازاقتىڭ» وتكەن سانىندا (№18, 11 مامىر، 2012 جىل) جازعان ەدىك. الەمدىك دودادا بالعىن گروسسمەيستەرلەر - استانالىق ءبيبىسارا اساۋباەۆا جانە قوستانايلىق دينارا سادۋاقاسوۆا مەن ديانا اساۋباەۆالار 3 التىن، 2 كۇمىس مەدالدى يەلەنگەن بولاتىن. اتاپ ايتارلىعى، ەڭ جاس شاحماتشى - 8 جاسار ءبيبىسارا اساۋباەۆا 9 جاسقا دەيىنگى ساناتتا «الەمنىڭ ءۇش دۇركىن چەمپيونى» اتاندى. وزىندىك رەكورد جاساعان ءبيبىسارا 9 پارتيانى دا جەڭىسپەن اياقتادى. ايتپاقشى، 5 ساعاتقا سوزىلعان اقتىق تۋرنيردە ول ايگىلى رەسەيلىك شاحماتشى كاماليا بۋلاتوۆانى قاپى قالدىردى. ءبىز «جاس قازاقتىڭ» مىڭداعان وقىرماندارىنىڭ اتىنان ءبيبىسارانى ايتۋلى جەڭىسىمەن قۇتتىقتاپ، از-كەم سۇحباتتاسقان ەدىك.

جاس قازاق: ءبيبىسارا، ءۇش دۇركىن الەم چەمپيونى بولۋىڭمەن شىن جۇرەكتەن قۇتتىقتايمىز! شاحمات دوداسى قالاي ءوتتى؟ سەنىڭ نەگىزگى قارسىلاستارىڭ كىم بولدى؟
ءبيبىسارا اساۋباەۆا: الەمدىك جارىس وتە قىزىقتى، تارتىستى ءوتتى. ماعان وتە ۇنادى. بارلىق قارسىلاستارىم وسال بولعان جوق. اقتىق سىندا رەسەيلىك شاحماتشى كاماليا بۋلاتوۆامەن باق سىنادىم. نەگىزگى مىقتى قارسىلاسىم دا سول بولاتىن. بىراق، ول مەنەن ۇتىلىپ، ەكىنشى ورىن الدى. سونداي-اق، تۇرىك شاحماتشىسى سادۋبەك، رەسەيلىك مارتا ۆوسكرەسەنسكايالار دا ۇزدىك بولدى.
جاس قازاق: سەنىڭ جەڭىستەرىڭنىڭ قۇپياسى نەدە؟

ەلىمىزدىڭ جاس شاحماتشىلارى جۋىردا رۋمىنيادا وتكەن مەكتەپ وقۋشىلارى اراسىنداعى الەم چەمپيوناتىندا وزىندىك رەكورد جاساعانىن «جاس قازاقتىڭ» وتكەن سانىندا (№18, 11 مامىر، 2012 جىل) جازعان ەدىك. الەمدىك دودادا بالعىن گروسسمەيستەرلەر - استانالىق ءبيبىسارا اساۋباەۆا جانە قوستانايلىق دينارا سادۋاقاسوۆا مەن ديانا اساۋباەۆالار 3 التىن، 2 كۇمىس مەدالدى يەلەنگەن بولاتىن. اتاپ ايتارلىعى، ەڭ جاس شاحماتشى - 8 جاسار ءبيبىسارا اساۋباەۆا 9 جاسقا دەيىنگى ساناتتا «الەمنىڭ ءۇش دۇركىن چەمپيونى» اتاندى. وزىندىك رەكورد جاساعان ءبيبىسارا 9 پارتيانى دا جەڭىسپەن اياقتادى. ايتپاقشى، 5 ساعاتقا سوزىلعان اقتىق تۋرنيردە ول ايگىلى رەسەيلىك شاحماتشى كاماليا بۋلاتوۆانى قاپى قالدىردى. ءبىز «جاس قازاقتىڭ» مىڭداعان وقىرماندارىنىڭ اتىنان ءبيبىسارانى ايتۋلى جەڭىسىمەن قۇتتىقتاپ، از-كەم سۇحباتتاسقان ەدىك.

جاس قازاق: ءبيبىسارا، ءۇش دۇركىن الەم چەمپيونى بولۋىڭمەن شىن جۇرەكتەن قۇتتىقتايمىز! شاحمات دوداسى قالاي ءوتتى؟ سەنىڭ نەگىزگى قارسىلاستارىڭ كىم بولدى؟
ءبيبىسارا اساۋباەۆا: الەمدىك جارىس وتە قىزىقتى، تارتىستى ءوتتى. ماعان وتە ۇنادى. بارلىق قارسىلاستارىم وسال بولعان جوق. اقتىق سىندا رەسەيلىك شاحماتشى كاماليا بۋلاتوۆامەن باق سىنادىم. نەگىزگى مىقتى قارسىلاسىم دا سول بولاتىن. بىراق، ول مەنەن ۇتىلىپ، ەكىنشى ورىن الدى. سونداي-اق، تۇرىك شاحماتشىسى سادۋبەك، رەسەيلىك مارتا ۆوسكرەسەنسكايالار دا ۇزدىك بولدى.
جاس قازاق: سەنىڭ جەڭىستەرىڭنىڭ قۇپياسى نەدە؟
ءبيبىسارا اساۋباەۆا: مەن كۇنىنە 6 ساعات شاحمات تاقتاسىندا دايىندالامىن.
جاس قازاق: نەشە جاسىڭنان باستاپ شاحمات وينايسىڭ؟ ساعان شاحماتتى كىم ۇيرەتتى؟
ءبيبىسارا اساۋباەۆا: 4 جاسىمنان. شاحمات ويناۋدى ۇيرەتكەن ادام - حاكىم اتام. ول قازىر تارازدا تۇرادى.
جاس قازاق: ءوزىڭ قاي جەردە تۋدىڭ؟
ءبيبىسارا اساۋباەۆا: تارازدا.
جاس قازاق: قازىر سەنى كىم جاتتىقتىرادى؟
ءبيبىسارا اساۋباەۆا: شاحماتتاعى باپكەرىم - ءانۋار تاسماعامبەتوۆ. ال، ىلعي دا كومەكتەسىپ، جانىمنان تابىلاتىن ادام - ول انام. ەسىمى - ليانا.
جاس قازاق: شاحماتتان بولەك نەمەن اينالىساسىڭ؟
ءبيبىسارا اساۋباەۆا: كوركەم گيمناستيكامەن اينالىسامىن. اعىلشىن ءتىلىن ۇيرەنىپ جۇرگەنىمە ءبىر جىل بولدى.
جاس قازاق: تابىستارىڭ قالاي؟
ءبيبىسارا اساۋباەۆا: جامان ەمەس.
جاس قازاق: ديانا اساۋباەۆا كىمىڭ بولادى؟
ءبيبىسارا اساۋباەۆا: ول مەنىڭ قۇربىم. قوستانايدا تۇرادى.
بالعىن چەمپيونمەن شاعىن سىر-سۇحباتىمىز وسى جەردەن اياقتالدى. ودان كەيىن، اناسى ليانانى دا قۋانىشىمەن قۇتتىقتادىق. ىقىلاسىمىزعا ىرزالىق تانىتقان ايەل چەمپيون قىزىنىڭ جاراتىلىسىنان، ومىرىنەن از-ءماز ماعلۇمات بەرىپ، ءبىراز تۇيتكىلدى جايتتاردىڭ باسىن اشتى. ليانانىڭ ايتۋىنشا، بالعىن چەمپيوندار ءوز ەلىندە وگەيلىك كورىپ وتىر.
ليانا تاڭجارىقوۆا ايتادى:
- مەنىڭ جان-جۇرەگىمدى قاتتى تەبىرەنتكەنى - ءبيبىسارا مەن ونىڭ قۇربىلارىنىڭ الەمنىڭ 37 ەلىنەن كەلگەن وقۋشىلاردىڭ اراسىنان التىننان القا تاعىپ، كوك بايراعىمىزدى كوككە كوتەرگەن ءسات. زالداعى اتا-انالار، جانكۇيەرلەر: «قازاقستان! قازاقستان!» دەپ ايقايلاپ جاتقاندا قوس جانارىمنان قۋانىشتىڭ تامشىلارى جەرگە دومالاپ ءتۇسىپ جاتتى! ءبىز ءبىر ەمەس، 3 التىن، 2 كۇمىس مەدالدى جەڭىپ الدىق. ال وسىنداي زور قۋانىشتى قوينىمىزعا سىيعىزا الماي، ەلگە ورالعاندا جان بالاسىنىڭ الدىمىزدان شىقپاعانىنا قاتتى كۇيزەلدىك. ەڭ وكىنىشتىسى سول، نە ءبىلىم جانە عىلىم ءمينيسترى، نە دەنەشىنىقتىرۋ جانە سپورت اگەنتتىگىنىڭ توراعاسى، نە №32 مەكتەپتىڭ ء(بيبىسارا وسى مەكتەپتە وقيدى) ديرەكتورى قۇتتىقتاماق تۇرسىن، قاراسىن كورسەتكەن دە جوق؟!. ەگەمەن ەلىمىزدىڭ ابىرويىن اسىرعان بالالاردىڭ جەڭىسى قالايشا تاسجۇرەك شەنەۋنىكتەردىڭ جۇرەگىن جىبىتپەيدى؟.. سوندا ءوز ەلىنىڭ مەرەيىن ۇستەم ەتكەن جاس چەمپيوندار قازاقستانعا قاجەت ەمەس پە؟!. مۇنداي جاعداي جاس بالانىڭ جۇرەگىن جارالايدى. ويتكەنى، مەن بيبىساراعا ىلعي دا: «سەن، ءوز ەلىڭنىڭ بەتكە ۇستار سپورتشىسى ەكەنىڭدى ۇمىتپا! سەنىڭ ءاربىر العان مەدالىڭ - ەلىڭە جاساعان سىيلىعىڭ! ءار سايىسىڭ تاريحتا تاسقا باسىلادى!» دەيمىن. ەندى، مىنە، ءبىزدى جان بالاسى كەرەك قىلعان جوق. رۋمىنيادان 7 مامىردا ۇشىپ كەلدىك. بۇگىن - 14 مامىر. وكىنىشكە قاراي، نە ءبىلىم جانە عىلىم ءمينيسترى باقىتجان جۇماعۇلوۆتان، نە مەكتەپ ديرەكتورىنان تىلدەي دە تەلەگرامما بولعان جوق. ول - ول ما، ءتىپتى ءبيبىسارانىڭ مەكتەبىندە ەشقانداي دا سالتاناتتى جيىن وتپەدى. بۇل نە دەگەن نەمقۇرايدىلىق؟ بۇل نە دەگەن ناداندىق؟ ارينە، مۇنداي بەيشارالىق بالانىڭ جۇرەگىنە قاياۋ سالادى. رۋمىنياداعى جارىس مەكتەپ وقۋشىلارى اراسىندا ءوتتى. قىزىم ءبيبىسارا وسى جولى ءۇش دۇركىن الەم چەمپيونى بولعانىنا قاتتى قۋاندىم. بۇل - بارشا قازاقستاندىقتاردىڭ جەڭىسى. ال، وقۋشىلار اراسىندا الەمدىك دودادا ەل نامىسىن قورعاپ، ەرلىك كورسەتكەن بالعىن شاحماتشىلارعا ءبىر اۋىز قۇتتىقتاۋىن جىبەرە الماعان ءبىلىم جانە عىلىم ءمينيسترى باقىتجان جۇماعۇلوۆتىڭ مەنمەنشىلدىگىن، سالعىرتتىعىن نەمەن اقتاپ الامىز؟.. مەنىڭ جانىما قاتتى باتاتىنى - وسى.
جاس قازاق: سوندا سىزدەردى ەشكىم كۇتىپ المادى ما؟
ليانا تاڭجارىقوۆا: ءبىزدى ءبىرىنشى كۇتىپ العان - داۋلەت توكەنوۆ باسقاراتىن رەسپۋبليكالىق شاحمات قاۋىمداستىعىنىڭ وكىلدەرى. سودان سوڭ، جۋرناليستەر قاۋىمى. ارينە، بۇل كوڭىلىمىزدى كوتەردى. بىراق، شىكىرەيگەن شەنەۋنىكتەردىڭ توبەلەرىنىڭ كورىنبەگەنى جانىمىزدى اۋىرتتى. مەنىڭ ايتارىم، كىم بولسىن مەيلى، بۇگىنگى بالالاردىڭ - ەرتەڭگى قازاقستاننىڭ تۇتقاسىن ۇستايتىنىن ۇمىتپاسا ەكەن دەيمىن! نەگە ءبىز قولدا باردا التىننىڭ قادىرىن بىلمەيمىز؟ نەگە ءبىز شەتەلدەن شاقىرتقانشا، ءوزىمىزدىڭ چەمپيوندارىمىزدى ءوسىرىپ شىعارمايمىز؟!. نەگە الەمدىك ۇزدىك شاحماتشىلاردىڭ وندىعىندا قازاق شاحماتشىسى جوق؟!. ويتكەنى، بيلىك باسىنداعى شەنەۋنىكتەردىڭ سالعىرتتىعىنان بالا كۇنىنەن وگەيلىك كورەدى ەمەس پە؟!. ءوز ەلىڭدە تۇرىپ، ودان وگەيلىك كورۋ - زور قاسىرەت!
جاس قازاق: ءبيبىسارانىڭ 8 جاسىندا-اق وسىنداي تابىستارعا قول جەتكىزۋىنىڭ سىرى نەدە؟
ليانا تاڭجارىقوۆا: كاسپاروۆ، كارپوۆ سياقتى ۇلى شاحماتشىلاردىڭ ايتۋىنشا، شاحماتشىنىڭ تالانتى گەنمەن بەرىلمەيدى. بالكىم، تابىسقا جەتكىزگەن 10 پايىز - تالانتى، 90 پايىز - ۇزدىكسىز دايىندىقتارى بولار. بۇل - جەكە پىكىرىم. ەكىنشىدەن، ءبىز تالانتتى بالانىڭ بويىنداعى ۇشقىنىن دەر كەزىندە بايقاپ، قولداۋ جاساماساق، ناتيجە دە بولمايدى. بالانىڭ دۇرىس دامۋى ءۇشىن، ەڭ الدىمەن دۇرىس كۇن ءتارتىبى بولۋى كەرەك. مەن وسىعان قاتتى ءمان بەرەمىن.
جاس قازاق: ليانا، ءبيبىسارانىڭ تالانتىن ودان ءارى ۇشتاي تۇسۋگە، ارينە، قارجى قاجەت. بۇعان دەيىن ءسىزدىڭ ۇكىمەت باسشىسىنىڭ بلوگىنا حات جازىپ، كومەك سۇراعانىڭىزدى دا بىلەمىز. قارجى ماسەلەسىن تۇپكىلىكتى شەشتىڭىزدەر مە؟
ليانا تاڭجارىقوۆا: قازىرگى كەزدە ءبيبىسارانىڭ ءبىلىم الۋى مەن جاتتىعۋلارىن قارجىلاندىراتىن ارىپتەسى بار. ءبيبىسارانىڭ كەيبىر تۋرنيرلەرىنە رەسپۋبليكالىق شاحمات قاۋىمداستىعى قارجى بولەدى. ال، وكىنىشكە قاراي، سپورت اگەنتتىگى مەكتەپ وقۋشىلارىنىڭ جارىستارىن قارجىلاندىرمايدى. وسى جولى رۋمىنياعا باراردا قىزىمنىڭ باپكەرىنىڭ جانە مەنىڭ جول، جاتىن ورىن شىعىندارىنىڭ بارلىعىن ءبيبىسارانىڭ ارىپتەسى كوتەرىپ الدى.
جاس قازاق: ...ءسىز ۋاقىتىڭىزدىڭ از ەكەنىن ايتىپ قالدىڭىز. ءبيبىسارا قانداي جارىسقا دايىندالىپ جاتىر؟
ليانا تاڭجارىقوۆا: ءبىز شەتەلدەن كەلگەن سوڭ، بار-جوعى ءۇش كۇن دەمالدىق. بۇگىننەن باستاپ تاعى كۇشەيتىلگەن دايىندىققا كىرىسىپ كەتتىك. ءبيبىسارانىڭ الدىندا ەكى ۇلكەن سىن تۇر. ءبىرى - اعىمداعى جىلدىڭ تامىز ايىندا پاريجدە وتەتىن الەم چەمپيوناتى. ال، ەڭ ۇلكەن، ەڭ ماڭىزدى الەمدىك شاحمات دوداسى بيىلعى جىلدىڭ 7 قاراشاسىندا سلوۆەنيادا وتەدى. سوعان قىزۋ دايىندالىپ جاتىرمىز. وعان قوسا، ءبيبىسارا - كوركەم گيمناستيكادان استانا قالاسىنىڭ ەكى دۇركىن چەمپيونى. بىراق قازاقستان چەمپيوناتىنا قاتىسا المايدى. سەبەبى، وعان 10 جاستان باستاپ قاتىسادى. ايتا كەتەيىن، 1 ماۋسىم كۇنى استاناداعى «سارىارقا» ۆەلوترەگىندە كوركەم گيمناستيكادان حالىقارالىق تۋرنير وتەدى. مىنە، سول جارىسقا دا ۇزدىكسىز دايىندالۋدامىز.
جاس قازاق: ولاي بولسا، ساتتىلىك تىلەيمىز!

تولەن تىلەۋباي,
استانا

«جاس قازاق» گازەتى