قازاقستاننىڭ ەڭ ۇلكەن تويى – تاۋەلسىزدىك. وسى تاۋەلسىزدىك پەن استانانىڭ تويىنا بولىنەتىن اقشانى سالىستىرساڭىز ءتىلىڭىزدى تىستەپ قالاسىز.

ءيا، استانانى تاۋەلسىزدىكتىڭ سيمۆولى دەيدى. دۇرىس تا شىعار. دەگەنمەن، نەلىكتەن تاۋەلسىزدىك كۇنىنە، جەلتوقسان كوتەرىلىسىنە نەمەسە بۇدان باسقا دا تاريحي وقيعالارعا ءدال استانانىڭ تويىن تويلاعانداي، كەرەك دەسەڭىز بۇدان ارتىق كوڭىل بولمەسكە؟

استانانىڭ تۋعان كۇنىن تويلاۋ جاي عانا جاعىمپازدىق. باسقا ەشتەڭە ەمەس. نازارباەۆتىڭ ءتول تۋىندىسى، نازارباەۆتىڭ يدەياسى دەپ قاراۋدان عانا تۋعان…

استانانىڭ قابىرعاسى قالانعان تاريحي كۇندى وزگەرتىپ، ونى پرەزيدەنتتىڭ تۋعان كۇنىمەن تۇسپا-تۇستاۋ بالانىڭ ويىنى سياقتى كورىنەدى ماعان.

استانانىڭ تۋعان كۇنىن تويلاۋ ءبىر ادامعا قۇدايداي تابىنۋدىڭ بەلگىسى سياقتى كورىنەدى ماعان. سونشاما شىعىنعا باتىپ نە كورىندى ايتپەسە؟!

قازىرگى بيلىكتىڭ يدەولوگيالىق جۇمىسى استانانىڭ اينالاسىمەن عانا شەكتەلىپ قالعان سياقتى. سياقتى ەمەس، ءدال سولاي.

ۇلتتىق يدەولوگيا جوق، جاعىمپازدىق يدەولوگياسى عانا بار قازىرگى قازاقستاندا.

دوس كوشىم

Abai.kz