ۇلىقبەك ەسداۋلەت، اقىن: «جاڭاوزەن جايلى نەگە جازاسىڭ؟» دەگەندەر بولدى...
- اعا، ءسىزدىڭ جاڭاوزەن قۇرباندارىنا ارنالعان «قاندى جۇما» اتتى ولەڭىڭىز ينتەرنەت ارقىلى جاريالانىسىمەن، «جاسا، ۇلاعا!» دەگەن قوشەمەتكە يە بولعانىڭىزدى، كوپشىلىكتىڭ ريزاشىلىعىن العانىڭىزدى كوممەنتەردەن بايقاپ قالدىق.
- ودان كەيىن جاڭاوزەنگە ارنالعان ولەڭدەرىم «جاس الاش» گازەتىنىڭ 15 ناۋرىز كۇنگى نومىرىنە دە ءبىر بەت بولىپ باسىلعان. ماڭعىستاۋ وبلىسىندا گازەتتىڭ سول ولەڭدەرىم باسىلعان بەتى كسەروكوشىرمە ارقىلى كوبەيتىلىپ، بارلىق ءماسليحات دەپۋتاتتارىنا تاراتىلىپتى دەپ ەستىدىم... ولار مەنىڭ جاڭاوزەن تۋرالى جازعان ولەڭدەرىمنىڭ ءبىر جارتىسى عانا. «جازۋشى» باسپاسى شىعارىپ جاتقان جيناققا تولىعىراق كىردى. «قاندى جۇمانى» جاقىندا «دات» گازەتى كوشىرىپ باسىپتى.
- ءبىر گازەتتەن ءبىر گازەت كوشىرىپ باستى دەپ وتىرسىز. بۇل نەنى بىلدىرەدى؟
- اعا، ءسىزدىڭ جاڭاوزەن قۇرباندارىنا ارنالعان «قاندى جۇما» اتتى ولەڭىڭىز ينتەرنەت ارقىلى جاريالانىسىمەن، «جاسا، ۇلاعا!» دەگەن قوشەمەتكە يە بولعانىڭىزدى، كوپشىلىكتىڭ ريزاشىلىعىن العانىڭىزدى كوممەنتەردەن بايقاپ قالدىق.
- ودان كەيىن جاڭاوزەنگە ارنالعان ولەڭدەرىم «جاس الاش» گازەتىنىڭ 15 ناۋرىز كۇنگى نومىرىنە دە ءبىر بەت بولىپ باسىلعان. ماڭعىستاۋ وبلىسىندا گازەتتىڭ سول ولەڭدەرىم باسىلعان بەتى كسەروكوشىرمە ارقىلى كوبەيتىلىپ، بارلىق ءماسليحات دەپۋتاتتارىنا تاراتىلىپتى دەپ ەستىدىم... ولار مەنىڭ جاڭاوزەن تۋرالى جازعان ولەڭدەرىمنىڭ ءبىر جارتىسى عانا. «جازۋشى» باسپاسى شىعارىپ جاتقان جيناققا تولىعىراق كىردى. «قاندى جۇمانى» جاقىندا «دات» گازەتى كوشىرىپ باسىپتى.
- ءبىر گازەتتەن ءبىر گازەت كوشىرىپ باستى دەپ وتىرسىز. بۇل نەنى بىلدىرەدى؟
- شىندىقتى ايتقان ولەڭگە دەگەن سۇرانىستىڭ بەلگىسى شىعار. مەنىڭ الگى ولەڭدەرىم شىعىسىمەن جان-جاقتان تەلەفون شالۋشىلار كوبەيىپ كەتتى. ىزدەپ كەلىپ، قولىمدى العاندار دا بارشىلىق. ينتەرنەت ارقىلى، حات ارقىلى ريزاشىلىعىن ءبىلدىرىپ، راحمەت ايتىپ، قولداعاندار از بولمادى. بۇرناعى كۇنى، ماسەلەن، جاقىن تانىمايتىن ورىس ءتىلدى جازۋشى بەرىك جىلقىباەۆ تەلەفونمەن جىلى لەبىز بىلدىرسە، كەشە عابيت مۇسىرەپوۆتىڭ دوسى، سوتسياليستىك ەڭبەك ەرى، قارت مايدانگەر، اتاقتى بوشاي كىتاپباەۆ اعامىز ۇيگە تەلەفون شالىپ، اۆتوجاۋاپبەرگىش ارقىلى حابارلاما قالدىرعان ەكەن. ول كىسى دە ءوزىنىڭ ريزاشىلىعىن ايتىپ، العىسىن جاۋدىرىپ جاتىر...
- ءبىز «ولەڭ وقىلمايدى»، «ادەبيەتتىڭ زامانى ءوتىپ بارادى» دەپ ءجۇرمىز، شىن مانىندە حالىق ءوز ءسوزىن سويلەپ، ولەڭمەن دەم بەرەتىن اقىندار جىرىنا سۋساپ وتىرعان بولىپ شىقتى عوي؟.. ولەڭ وقىلمايتىنى اقىندارىمىزدىڭ ۋاقىت تالابىنا ساي ءسوز ايتا بىلمەۋىنەن بولىپ تۇر عوي، سولاي ما؟
- مەن «ۋاقىت تالابىنا ساي سويلەيىن» دەپ ماقسات ەتكەن جوقپىن. نەمەسە بىرەۋلەردى قايراپ، نامىسىن جانىپ، باس كوتەرتەيىن دەگەن دە ويىم بولعان جوق. سول تۇستا جاڭاوزەندەگى قانتوگىستەردى تەلەديدار مەن ينتەرنەتتەن كورگەن سايىن جانىم تۇرشىگىپ، بىرەسە تاماعىما بىردەڭە تىعىلىپ، بىرەسە اشۋ-ىزا بويىما سىيمادى. كوڭىل الاڭ بولىپ، اساۋ سەزىم بيلەدى. كوپتەن بەرى ولەڭ جازباي ءجۇر ەدىم، سودان ايتەۋىر بۇرقىراپ جازىلىپ كەتتى. ەموتسياعا ەرىك بەرىپ، اعىل-تەگىل ءبىر اپتا ولەڭ جازدىم.
