سەمەيدىڭ وبلىستىق تاريحي-ولكەتانۋ مۇراجايىنداعى «مۇراجاي ءتۇنى» اكتسياسى
2012 جىلدىڭ 18 مامىرىندا سەمەيدىڭ وبلىستىق تاريحي-ولكەتانۋ مۇراجايىندا حالىقارالىق مۇراجاي كۇنىنە ارنالعان «مۇراجاي ءتۇنى» اكتسياسى ءوتتى. مەرەكەلىك شارا مۇراجاي اۋلاسىندا «شىعىس» رگك اسكەري وكرۋگىنىڭ ۇرمەلى اسپاپتار وركەسترىنىڭ كونتسەرتىمەن باستالدى. مەرەكەگە حالىق كوپ جينالدى. شقو مادەنيەت باسقارماسىنىڭ باستىعى ومار جاقسىلىق مۇقاشۇلى جانە باسقارما باستىعىنىڭ ورىنباسارى سارسەباەۆ جاسۇلان بىرلىكۇلى، سەمەي قالالىق مادەنيەت جانە تىلدەردى دامىتۋ ءبولىمىنىڭ باستىعى نۇرقاسىم قۇسميليا جىرعالۇلى ۇجىمىمەن، قوعام قايراتكەرى ح.ماتاەۆ، مۇراجاي ارداگەرلەرى ت.يبراگيموۆ، ب.ەرسالىموۆ، اقىن-جازۋشىلار، عالىمدار، ارىپتەستەر قاتىستى. مەرەكەلىك شارانى مۇراجاي ديرەكتورى تەمىروۆ بەكەن نۇعىمانۇلى اشىپ، كەلۋشىلەردى مەرەكەمەن قۇتتىقتاپ، باعدارلامامەن تانىستىرىپ ءوتتى.
2012 جىلدىڭ 18 مامىرىندا سەمەيدىڭ وبلىستىق تاريحي-ولكەتانۋ مۇراجايىندا حالىقارالىق مۇراجاي كۇنىنە ارنالعان «مۇراجاي ءتۇنى» اكتسياسى ءوتتى. مەرەكەلىك شارا مۇراجاي اۋلاسىندا «شىعىس» رگك اسكەري وكرۋگىنىڭ ۇرمەلى اسپاپتار وركەسترىنىڭ كونتسەرتىمەن باستالدى. مەرەكەگە حالىق كوپ جينالدى. شقو مادەنيەت باسقارماسىنىڭ باستىعى ومار جاقسىلىق مۇقاشۇلى جانە باسقارما باستىعىنىڭ ورىنباسارى سارسەباەۆ جاسۇلان بىرلىكۇلى، سەمەي قالالىق مادەنيەت جانە تىلدەردى دامىتۋ ءبولىمىنىڭ باستىعى نۇرقاسىم قۇسميليا جىرعالۇلى ۇجىمىمەن، قوعام قايراتكەرى ح.ماتاەۆ، مۇراجاي ارداگەرلەرى ت.يبراگيموۆ، ب.ەرسالىموۆ، اقىن-جازۋشىلار، عالىمدار، ارىپتەستەر قاتىستى. مەرەكەلىك شارانى مۇراجاي ديرەكتورى تەمىروۆ بەكەن نۇعىمانۇلى اشىپ، كەلۋشىلەردى مەرەكەمەن قۇتتىقتاپ، باعدارلامامەن تانىستىرىپ ءوتتى.
اشىلۋ سالتاناتىندا شقو مادەنيەت باسقارماسىنىڭ باستىعى ومار جاقسىلىق مۇقاشۇلى كەلۋشىلەردى مەرەكەمەن قۇتتىقتادى. ال شەجىرەشى، ەتنوگراف مولدابەك جانبولاتوۆ مۇراجايعا ءىنىسى، ءمۇسىنشى مۇراتبەك جانبولاتوۆتىڭ جاساعان وسى ولكەنىڭ قاسيەتتى ءبيى بولعان كەڭگىرباي جاندوسۇلىنىڭ ءمۇسىنىن تارتۋ ەتسە، قوعام قايراتكەرى حافيز ماتاەۆ مۇرات اۋەزوۆتىڭ وزىنە تابىستاعان سىيىن مۇراجايعا سىيلادى. «احاۋ سەمەي» ارداگەرلەر ءانسامبلىنىڭ مۇشەسى، اق جاۋلىقتى انا ماكليما قارابالينا ءوزىنىڭ اق تىلەگىن ءبىلدىرىپ، اباي اتامىزدىڭ ءمۇسىنىن سىيعا تارتتى. بۇدان كەيىن كەش قوناقتارى وبلىستىق اباي اتىنداعى درامالىق تەاتر ارتيستەرىنىڭ ۇيىمداستىرۋىمەن «مۇراجاي تاريحى تۋرالى» اتتى قويىلىمىنان ءۇزىندى تاماشالادى. اۋلادا مۇراجاي مامانى ۆ.ۆ.كولبيننىڭ ۇيىمداستىرۋىمەن «جول قورجىنى»، «ارحەولوگيالىق قازبالار» سايىس-ويىندارى جۇرگىزىلدى. قوناقتار مۇراجايعا بۇرىنعى سەمەي وبلىستىق گازەتتىڭ قىزمەتكەرى ا.م.حمەلەۆ جانە قالا تۇرعىنى ە.ن.ميحايلوۆتاردىڭ كونە سەمەي قالاسىنىڭ كورىنىستەرى بار فوتوسۋرەتتەر مەن فوتواپپاراتتاردى تاپسىرۋ ءراسىمىنىڭ كۋاگەرى بولدى. سونداي-اق، قور ءبولىمىنىڭ قىزمەتكەرى ا.م.جۇمانباەۆانىڭ ۇيىمداستىرۋىمەن بۇرىن كورمەگە قويىلماعان قورداعى ساماۋىرلار، ەرتوقىم تۇرلەرىمەن تانىستى. ءا.قاشاۋباەۆ اتىنداعى فيلارمونيا وركەسترىنىڭ كونتسەرتى، قالالىق مادەنيەت سارايى جانىنان اشىلعان اقىندار مەكتەبىنىڭ دامەش ومارباەۆا باستاعان اقىندارى مۇراجاي تاريحى مەن جادىگەرلەرى تۋرالى «جۇمباق ايتىسى»، م.تولەباەۆ اتىنداعى مۋزىكالىق كوللەدجدىڭ ستۋدەنتتەرى قاتىسقان جاستاردىڭ «التىباقان» ويىن-ساۋىق وتاۋى، اۋلادا الاۋ جاعىپ، بار اندەرىن ورىنداۋشىلار تۋعان ولكە، سەمەي تۋرالى شىعارمالارىن، جاستاردىڭ «التىن ساندىق» سايىسى، مۇراجاي جانىنان قۇرىلعان ولكەتانۋشىلار مەن ارحەولوگتاردىڭ «جەر-سۋ» كلۋبى وتكىزگەن دوڭگەلەك ۇستەل وتىرىسى كەلۋشىلەرگە مۇراجاي جانە مۇراجاي ءىسى تۋرالى مول حابار بەرىپ، مەرەكەلىك كوڭىل-كۇي سىيلادى. مۇراجاي الاڭىندا اشىلعان «قىمىزحانا» قىمىز، قۇرت، ىرىمشىك-مايىمەن قوناقتاردىڭ كوڭىلىنەن شىقتى. مۇراجاي قىزمەتىنىڭ ءار سالاسىنان وتكىزىلگەن قىزىقتى شارالار بولاشاقتا دا جالعاسىن تاپپاق.
