سەيسەنبى, 21 قىركۇيەك 2021
3184 1 پىكىر 23 شىلدە, 2021 ساعات 15:07

ەركەبۇلان دايىروۆ «ازيانىڭ ۇزدىك اكتەرى» اتاندى

قازاقستاندىق اكتەر ەركەبۇلان دايىروۆ كاننداعى World Film festival-دە «ازيانىڭ ۇزدىك اكتەرى» نوميناتسياسىن جەڭىپ الدى.

ول قازاقستاندىق رەجيسسەر ەلميرا گيلماننىڭ «كۇنباعىس» فيلمىندەگى ءرولى ءۇشىن ماراپات الدى.

دايىروۆ ءوزىنىڭ Instagram پاراقشاسىندا قولداۋ كورسەتكەنى ءۇشىن قازاقستان حالقىنا العىسىن ءبىلدىرىپ، بۇل بۇكىل ءتۇسىرىلىم توبىنىڭ جەڭىسى ەكەنىن اتاپ ءوتتى.

«كۇنباعىس» ءفيلمى وتباسىنداعى ەرەسەك ادامداردىڭ ماسەلەسىن شەشۋگە تىرىسقان، ينتەرنەتكە تاۋەلدى 14 جاستاعى ءجاسوسپىرىم تۋرالى باياندايدى.
اتا-اناسىمەن جانە مەكتەپ مۇعالىمىمەن جانجالداسقان بالا باسقا شىندىقتى باسقا الەمنەن ىزدەۋگە تىرىسادى.

ايتا كەتەيىك، ەركەبۇلان دايىروۆ «توميريس»، «اناعا اپارار جول»، «امىرە»، «توبىل»، «باۋىرجان مومىشۇلى» جانە «بالۋان شولاق» سياقتى فيلمدەردە باستى رولدەردى ويناعان.

Abai.kz

1 پىكىر