سەيسەنبى, 21 قىركۇيەك 2021
2306 2 پىكىر 23 شىلدە, 2021 ساعات 15:24

قازاقستاندا پاندەميا كەزىندە بالا تۋ كورسەتكىشى ارتتى

قازاقستاندا بالا تۋ دەڭگەيى ارتىپ كەلەدى. پاندەميا كەزەڭىندە كورستەكىشتەر بىلتىرعى سەگىز پايىزدان اسىپ ءتۇستى، - دەپ حابارلايدى Tengrinews.kz.

بيىل ءبىرىنشى توقساندا ەلدە 100,5 مىڭ بالا دۇنيەگە كەلگەن. بۇل سوڭعى جىلدارداعى وسى كەزەڭ بويىنشا ەڭ جوعارى كورسەتكىشى. بىلتىرعىمەن سالىستىرعاندا تۋىلعاندار سانى 8,4 پايىزعا جەتتى.

2020 جىلعى ءبىرىنشى توقساندا قازاقستاندا 92,7 مىڭ ءسابي دۇنيەگە كەلگەن. بۇل ءبىر جىل بۇرىنعىعا قاراعاندا 0,8 پايىزعا عانا كوپ; 2019 جىلى "كارانتينگە دەيىنگى" كەزەڭدە بار بولعانى 91,9 مىڭ بالا دۇنيەگە كەلگەن. بۇل بىلتىرعىدان 0,8 پايىزعا از.

جالپى ەلدەگى بالا تۋ دەڭگەيىنىڭ كوتەرىلگەنى 2020 جىلدىڭ ءۇشىنشى توقسانىنان باستالدى، بىردەن 116,7 مىڭ ءسابي دۇنيەگە كەلگەن. بۇل ءبىر جىل بۇرىنعىعا قاراعاندا 8,4 پايىزعا كوپ. وسىعان ۇقساس جاعداي 2020 جىلدىڭ ءتورتىنشى توقسانىندا دا قالىپتاستى: 111,7 مىڭ بالا دۇنيەگە كەلدى. بۇل بىلتىرعى سايكەس كەزەڭىمەن سالىستىرعاندا 9,5 پايىزعا كوپ.

ناتيجەسىندە، 2020 جىلى ەلدە 425 مىڭنان اسا قازاقستاندىق دۇنيەگە كەلدى. بۇل ءبىر جىل بۇرىنعىعا قاراعاندا التى پايىزعا كوپ. سالىستىرۋ ءۇشىن: 2019 جىلى 2018 جىلعا قاراي تۋىلعاندار سانىنىڭ ءوسۋى تەك 1,3 پايىز بولعان.

قازاقستاندا بيىل ءبىرىنشى توقسانىنىڭ قورىتىندىسى بويىنشا حالىق سانى 18,94 ميلليون ادامعا جەتتى.

Abai.kz

2 پىكىر