ء"تاڭىر" دەگەن قازاققا "مۇسىلمانمىن" دەگەن قازاقپەن ايتىسىپ-تارتىسۋدىڭ ەش قاجەتى جوق. ول ەشقانداي ماعىناسىز ايتىس بولادى.
ء"تاڭىر" دەگەن قازاققا ءوز جۇرتىنىڭ دۇنيەتانىمىن، تۇسىنىگىن، ءداستۇرى مەن سالتتارىن ايتىپ، ونىڭ تاڭىرلىك باستاۋىنا نازار اۋدارسا جەتكىلىكتى.
ۇلتتىق تاربيەمەن وسكەن جان ونى تەز ۇعا قويادى.
ول ونىڭ قانىنا سىڭگەن قاسيەت.
ەكىنشىدەن، قازاق ۇلتىنىڭ تاريحى وتە تەرەڭ ەكەنىن ايتۋ كەرەك.
قازاق دانالىعىن قۇلاققا قۇيۋ كەرەك.
ءدىن دوگماسى مەن ەرتەگىسىن شىنايى تاريحي بايانعا اۋىستىرۋ كەرەك.
شىندى شىن، وتىرىكتى وتىرىك دەۋگە ۇيرەنۋ كەرەك!
سوندا ءار قازاقتا تاريحىنا دەگەن ماقتانىش، وزىنە دەگەن سەنىم تۋادى. نامىس ويانادى، ونىمەن بىرگە "مەن قازاقپىن!" دەگەن ءور سەزىم پايدا بولادى... تامىرىن تابادى...
وتكەنىنە قۇرمەت ارتادى.
ول بۇگىنگى تاۋەلسىز مەملەكەت قالىبىنا جالعاسىپ، حالىق ءوزىن ءوزى جاڭادان تاني باستايدى.
ۇلت بولىپ بىرىگۋ پروتسەسى جىلدامدايدى.
مەملەكەتتىلىگى كۇشەيە تۇسەدى.
وسى فۋنكتسيانى قازىر ەشبىر ءدىن اتقارا المايدى.
ولاردىڭ قارا قازانى قايشىلىقتى تالاس-تارتىستان قايناپ جاتىر.
ەشبىر دىندە ءوزارا ىمىرا جوق.
ونداي جەردە بەرەكە- بىرلىك تە جوق...
قازاق "بۇلىنگەننەن بۇلدىرگى الما" دەمەۋشى مە ەدى!
ول وسى سەبەپتەن ايتىلعان!

ءابدىراشيت باكىرۇلى

Abai.kz