جامبىل وبلىسىنداعى جارىلىستان قازا بولعانداردىڭ سانى 9-عا جەتتى.

- جامبىل وبلىسى بايزاق اۋدانىندا ورنالاسقان اسكەري بولىمدەگى جارىلىس سالدارىنان سوڭعى مالىمەتتەر بويىنشا بارلىعى 9 ادام، ونىڭ ىشىندە قر تجم، اسكەري ءبولىمنىڭ، اسكەريلەندىرىلگەن كۇزەت پەن اسكەري پروكۋراتۋرا قىزمەتكەرلەرى قازا تاپتى. ولاردىڭ جەكە باسى انىقتالىپ جاتىر. تابىلماي جاتقان 2 ادام تۋرالى دەرەكتەر انىقتالىپ جاتىر,- دەدى تجم.

الدىن الا اقپارات بويىنشا، اۋرۋحاناعا تجد-نىڭ 49 قىزمەتكەرى تۇسكەن.

وقيعا ورنىندا مينيستر باستاعان تجم جەدەل توبى جۇمىس ىستەپ جاتىر. قر تجم دجبو-دا جانە ءورت ورنىندا كشم بازاسىندا ءورت ءسوندىرۋ شتابى قۇرىلدى، جامبىل وبلىسى تجد-دە جەدەل شتاب جۇمىس ىستەيدى.

بۇعان دەيىن جامبىل وبلىسىنداعى جارىلىستاردان بەس اسكەري ادام قازا تاپقانى حابارلانعان بولاتىن. 27 تامىز كۇنگى ساعات 8.00-دەگى جاعداي بويىنشا، اۋرۋحانالاردا 28 ناۋقاس بار، ونىڭ التاۋى اۋىر حالدە جاتىر.

Abai.kz