تاياۋدا جارىلىس بولعان بايزاق اۋدانىنىڭ ورتالىعى سارىكەمەر اۋلىنداعى مەيرامحانانىڭ اۋلاسىندا تۇسىرىلگەن شاشىلىپ جاتقان سناريادقا ۇقساس زاتتاردىڭ ۆيدەوسىنا قورعانىس مينيسترلىگى تۇسىنىك بەردى. بۇل تۋرالى Tengrinews.kz مالىمدەدى.

- ۆيدەودا كورسەتىلگەن سناريادتاردىڭ سىرتى مەن وقساۋىتى - وق-دارىلەردى كادەگە جاراتقاننان كەيىن الىنعان جانە ەلەكتروندىق gosreestr.kz الاڭىنداعى ساۋدا ارقىلى جەكە كاسىپورىنعا ساتىلعان مەتالل سىنىقتارى. ولار قورشاعان ورتاعا ەشقانداي قاۋىپ توندىرمەيدى, - دەدى مينيسترلىك وكىلدەرى.

وندىرىستىك بازا "باقتيار-Group" جشس-عا تيەسىلى ەكەنى تەكسەرۋ بارىسىندا انىقتالعان. ونىڭ اۋماعىندا قارا مەتالل سىنىقتارى (كۇيدىرىلگەن مەتالل، بولات جانە شويىن مەتالل) ساقتالعان.

اتالعان مەتالدى "باقتيار-Group" جشس 2021 جىلى 30 ناۋرىزدا تۇركىستان وبلىسى، ارىس قالاسىندا "قازتەحنولوگيا" اق-نىڭ مەتالل سىنىقتارى قويماسىمەن جاسالعان شارت نەگىزىندە ساتىپ العانى حابارلاندى.

"باقتيار-Group" جشس حابارلاماعا سايكەس زاڭدى مەكەنجايى: قر، جامبىل وبلىسى، بايزاق اۋدانى، سارىكەمەر اۋلىندا تىركەلگەن. بۇل ۇيىمنىڭ ءتۇستى جانە قارا مەتالل سىنىقتارى مەن قالدىقتارىن جيناۋ (دايىنداۋ), ساقتاۋ، وڭدەۋ جانە وتكىزۋ بويىنشا قىزمەتتى جۇزەگە اسىرۋدى باستاعانى تۋرالى ليتسەنزياسى بار ەكەنى بەلگىلى بولدى.

اقپارات بويىنشا، 26 تامىزدا ءورت شىققان جامبىل وبلىسى بايزاق اۋدانىنداعى وق-دارىلەر قويماسىندا مۇنداي وق-دارىلەر ساقتالماعان.

Abai.kz