قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ەلگە اەس قاجەت ەكەنىن ايتتى. بۇل تۋرالى پرەزيدەنت رەسەيدە ءوتىپ جاتقان "2021 جىلعى شىعىس ەكونوميكالىق فورۋمىنا" ونلاين قاتىسۋ بارىسىندا مالىمدەدى. ول مەملەكەتتىڭ، سونداي-اق ازاماتتار مەن كاسىپكەرلەردىڭ قاجەتتىلىكتەرىن ەسكەرۋ قاجەت ەكەنىن اتاپ ءوتتى.

"مەنىڭ ويىمشا، بۇل ماسەلەنى ەگجەي-تەگجەيلى قاراستىراتىن ۋاقىت جەتتى، سەبەبى قازاقستانعا اەس قاجەت", - دەدى ول.

سونداي-اق، پرەزيدەنتتىڭ ايتۋىنشا، الەمدىك ەنەرگيا ءوندىرىسىنىڭ 60%-ى ازيا-تىنىق مۇحيتى ايماعىنداعى ەلدەردەن كەلەدى. ول بۇل ەلدەردىڭ الدىندا "جاسىل ەنەرگياعا" كوشۋ ماسەلەسى تۇر دەپ بولجايدى.

ول "كومىرتەكتى بەيتاراپتىلىقتىڭ وزەكتى ماسەلەلەرى بويىنشا ەلدەر اراسىنداعى ءوزارا ءىس-قيمىلدىڭ ماڭىزدىلىعىن" دا اتاپ ءوتتى.

اتوم ەلەكتر ستانتسياسىن سالۋ يدەياسىنىڭ كوتەرىلىپ كەلە جاتقانىنا كوپ بولدى. 1 قىركۇيەكتە توقاەۆ قازاقستان حالقىنا جولداۋىندا ۇكىمەت پەن "سامۇرىق-قازىنا" قورىنىڭ الدىنا "قاۋىپسىز جانە ەكولوگيالىق تازا ەنەرگيانى دامىتۋ مۇمكىندىگىن زەرتتەۋ" مىندەتىن قويعان بولاتىن. پرەزيدەنتتىڭ ايتۋىنشا، 2030 جىلعا قاراي ەلدە ەلەكتر ەنەرگياسىنىڭ تاپشىلىعى بولادى جانە بەيبىت اتوم ماسەلەنىڭ وڭتايلى شەشىمى بولۋى مۇمكىن.

قوعام اراسىندا اەس سالۋعا قاتىستى ەكى ءتۇرلى پىكىر بار. ءبىرىنشى تاراپ اەس سالۋعا مۇلدە قارسى. ەلدەگى قاراپايىم اسكەري قويمالار جارىلىپ جاتقاندا، اەس ءتىپتى قاۋىپتى دەگەن ويدا. ال ەكىنشى تاراپ اەس سالىنسىن، الايدا ونى رەسەي مەن قىتاي سالماسىن دەگەن پايىمدا.

Abai.kz