اەس-تى سالۋ تاقىرىبى جوق جەردەن نەگە قايتا كوتەرىلدى؟ بەيبىت كۇندە جارىلىستان ەس جيناي الماي وتىرعاندا، بۇل كورشى ەلدىڭ ءىسى ەمەس پە؟ الدىڭعى ايدا رەسەيدىڭ پرەمەرى كەلگەن سوڭ، اراسى سۋىماي، پرەزيدەنت شۇعىل تۇردە ءىس-ساپارمەن بارعاندا قىسپاققا المادى ما؟ - دەگەن ۇرەيلى سۇراقتار جەكەگە كەلىپ جاتىر.

جالپى مۇنداي سۇراقتار كورشى ەلدەن جەرگە قاتىستى جۇيكەنى جۇقارتاتىن تاقىرىپتار قوزعالسا بولدى، قاپتاپ كەتەدى. وسىعان وراي، جەرگە، تىلگە قاتىستى رەسەيدىڭ ەلىمىزگە ىرىتكى تۋدىراتىن ءىس-ارەكەتتەرىنەن ساباق الىپ، يممۋنيتەت قالىپتاستىراتىن كەز كەلدى.

الدىمەن مىنا جايتتى اشىپ الايىقشى:
1. رەسەيدە، قىتايدا، باتىس ەلدەرىندە ءسىبىر، ورىنبور، استراحان، ور، ومبى باسقا ەلدى مەكەندەردىڭ قاشان جانە قالاي ورىستاردىڭ يەلىگىنە ءوتىپ كەتكەندىگى تۋرالى تاريحتى جاقسى بىلەدى. وكىنىشتىسى سول، ءوزىمىز، اسىرەسە جاستار بىلمەيدى.

2. اشتىق زاماندا باسقا ۇلتتاردى جەر اۋدارعاندا سوڭعى نانىن ءبولىپ بەرگەنىمىز دە ءبىزدىڭ ەلگە كوزى تۇسكەندەرگە ءمالىم. بۇدان تۇيەتىنىمىز — قازاق جەرىندە كەز-كەلگەن ۇلت قازاقتان ەركىن ءارى باي!

3. ءبىز ەشقاشان تاۋەلسىزدىگىمىزدەن ايىرىلمايمىز. وتكەننەن العان ساباق جانە وتىز جىل قاناتىمىزدى كەڭ جايعان ءبىزدى الەۋمەتتىك جاعداي سىندىرسا دا، جەردى قورعاۋدا ەشكىم سىندارا المايدى. ءتىپتى، ءوزىن الپاۋىت سانايتىن قىتاي دا!

4. رەسەي فەدەراتسياسىندا مۇسىلماندار، ونىڭ ىشىندە تۇركى باۋىرلارىمىز كوپ. ءبىر تاتارستاننىڭ ءوزى نە تۇرادى؟ شەشەن، ينگۋشتار سوعىس جىلدارى قىستىڭ سۋىعىندا مالعا ۇقساپ لاقتىرىپ كەتكەن اتالارىن قازاق جۇرەگىمەن جىلىتقاندارىن ەشقاشان ۇمىتپايمىز دەيدى. ولار — جىگىت، ال جىگىتتەر سوزىندە تۇرادى.

رەسەيگە ءدال قازىر ازاماتتىق سوعىستىڭ قاجەتى جوق. سوندىقتان ولار ءبىزدىڭ اڭعالدىعىمىزدى پايدالانىپ، اقپاراتتىق سوعىس باستاپ وتىر. سونى ەسكەرىپ، اقىلعا سالىپ، بىلىممەن جەڭەتىن كەز كەلدى!

ەڭ ماڭىزدىسى — ورىستاردا رۋح جوق! ۇلت ءۇشىن، جەر ءۇشىن ءبىز سياقتى كۇرەسپەيدى! سوندىقتان رەسەيدىڭ كەزەكتى ىرىتكىسىنە بۇلقان-تالقان بولمايىق. رۋحىمىزدى جوعالتپاي، مىسىمىز ارقاشان بيىك بولسىن!

ەسەن ەلەۋكەن

Abai.kz