سىبايلاس جەمقورلىققا قاتىستى اپەللياتسيالىق سوتتا قازاقستاننىڭ بۇرىنعى جانە قازىرگى جوعارى لاۋازىمدى شەنەۋنىكتەرىنەن LRT ءىسى بويىنشا جاۋاپ الۋ سۇرالدى. بۇل تۋرالى كازتاگ مالىمدەدى.

سەيسەنبىدە نۇر-سۇلتاندا وتكەن اپەللياتسيالىق سوت وتىرىسىندا LRT ءىسى بويىنشا سوتتالعان راشيد امانجولوۆتىڭ قورعاۋشىسى ادۆوكات ساۋلە اكاتوۆا كۋاگەرلەردى شاقىرۋدى جانە LRT جوباسىن ىسكە قوسۋ تۋرالى شەشىم قابىلداعان جوعارى لاۋازىمدى تۇلعالاردان جاۋاپ الۋدى ءوتىندى. ولاردىڭ قاتارىندا: بۇرىنعى پرەمەر -مينيسترلەر - سەرىك احمەتوۆ پەن يمانعالي تاسماعامبەتوۆ، الماتى قالاسىنىڭ اكىمى باقىتجان ساعىنتاەۆ، پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى اسەت يسەكەشەۆ، قازاقستاننىڭ نيدەرلاندىداعى توتەنشە جانە وكىلەتتى ەلشىسى اسقار جۇماعاليەۆ، ۇلتتىق بانك توراعاسى ەربولات دوساەۆ، پرەزيدەنت اكىمشىلىگىنىڭ بۇرىنعى باسشىسى ادىلبەك جاقسىبەكوۆ، سونداي-اق الەۋمەتتىك مەديتسينالىق ساقتاندىرۋ قورى ديرەكتورلار كەڭەسىنىڭ توراعاسى بولات جامىشەۆ بار.

الايدا، پروكۋرور بۇل ادامداردان جاۋاپ الۋدىڭ قاجەتى جوق ەكەنىن مالىمدەدى، سەبەبى پروكۋروردىڭ ايتۋىنشا، ءىس بويىنشا جەتكىلىكتى دالەلدەر جينالعان.

ادۆوكات جانات ءابدىراحمانوۆ اكاتوۆانىڭ ءوتىنىشىن قولدايتىنىن ءبىلدىرىپ، جوعارىدا ايتىلعان جوعارى شەندىلەردەن جاۋاپ الىنباسا، وندا شىندىقتى انىقتاۋدا ەشقانداي پوزيتسيا جوق ەكەنىن ايتتى. ءوتىنىشتى ادۆوكات ورازالين نۇرلان دا قولدادى. بىراق، بۇل شەشىمدى ولاردىڭ كليەنتتەرى ەمەس، رەسپۋبليكالىق بيۋدجەتتىك كوميسسيا (ربك) قابىلدايدى. بۇعان دەيىن ءبىرىنشى ساتىداعى سوت ربك مۇشەلەرىن جاڭىلىستىردى دەپ باعالادى، بىراق سوت مۇنداي شەشىمدى قانداي ماتەريالداردىڭ نەگىزىندە قابىلداعانى بەلگىسىز.

ايتا كەتەيىك، قۇرىلىس جۇمىسى باستالعان ساتتە LRT جوباسىن جۇزەگە اسىرۋ ءۇشىن قىتايدىڭ مەملەكەتتىك دامۋ بانكىنەن مەملەكەتتىك كەپىلدىك بويىنشا 1,5 ملرد دوللار كولەمىندە نەسيە تارتىلدى. ونىڭ 344 ميلليون دوللارى قۇرىلىسقا جۇمسالعان.

ال، 2019 جىلدىڭ 8 قازانىندا قازاقستان پرەزيدەنتى قاسىم-جومارت توقاەۆ ۇكىمەتكە جانە نۇر-سۇلتان اكىمدىگىنە LRT قۇرىلىسىن قايتا باستاۋدى تاپسىرىپ، بۇعان دەيىنگى جوبانى «ءساتسىز» جانە «داۋلى» دەپ اتادى. ونان سوڭ، 2020 جىلدىڭ 27 اقپانىندا LRT جشس سىبايلاس جەمقورلىق جانجالدارىنان كەيىن قالالىق كولىك جۇيەسى (CTS) بولىپ وزگەرتىلگەنىن حابارلادى.

جالپى، Astana LRT-دا جىمقىرۋ ءىسى بويىنشا جەتى ايىپتالۋشىنىڭ ۇكىمى جاريالاندى. ال، سوتتالۋشىلارعا 5,8 ميلليارد تەڭگە جىمقىردى دەگەن ايىپ تاعىلعان.

وسى جىلدىڭ 13 ماۋسىمىندا Astana LRT قازاقستاننىڭ مەملەكەتتىك كەپىلدىگى بويىنشا 1 ميلليارد دوللارلىق نەسيەگە جاڭا تەندەر جاريالاعانىن حابارلادى.

دايىنداعان نۇربيكە بەكسۇلتانقىزى

Abai.kz