سارسەنبى, 20 قازان 2021
2268 0 پىكىر 20 قىركۇيەك, 2021 ساعات 15:03

ماسۋد اۋعانستاندا قاۋىپسىز جەرگە بەكىندى

ۇلتتىق قارسىلىق مايدانىنىڭ باسشىسى احماد ماسۋد اۋعانستاندا قاۋىپسىز جەرگە بەكىندى. بۇل تۋرالى مايدان وكىلى ءالي مايسام نازاري جەكسەنبى كۇنى كەشكە بي-بي-ءسيدىڭ پارسى قىزمەتىنە حابارلادى. مايدان جەتەكشىسى قاي جەردە ەكەنىن ول ايتپادى.

احماد ماسۋدتىڭ كوپشىلىك الدىنا شىقپاعانىنا بىرنەشە كۇن بولدى. "تاليبان" قوزعالىسى كۇشتەرىنىڭ پانجشەرگە اۋقىمدى شابۋىلىنىنان سوڭ ول بىرنەشە مارتە اۋديوۇندەۋ تاراتقان. ماسۋدتىڭ قايدا ەكەنى قاۋىپسىزدىك ماقساتىندا ايتىلماي وتىر، دەيدى ءالي نازاري.

مايداننىڭ ءباسپاسوز حاتشىسى فاحيش داشتي ولىمىنەن سوڭ قاۋىپسىزدىك شارالارى كۇشەيتىلگەن. مالىمەتتەرگە قاراعاندا، حاتشىنىڭ تەلەفونى ارقىلى ونىڭ قايدا ەكەنى انىقتالىپ، سول جەرگە زىمىرانمەن سوققى جاسالعان.

ءالي مايسام ءنازاريدىڭ بي-بي-ءسيدىڭ پارسى قىزمەتىنە حابارلاۋىنشا، پانجشەردەگى اۋدانداردىڭ دەنى مايدان كۇشتەرىنىڭ باقىلاۋىنا وتكەن. 6 قىركۇيەكتە تالىپتەر پانجشەرگە باقىلاۋ ورناتقانىن حابارلاعان. الايدا، ءالي ءنازاريدىڭ ايتۋىنشا، "تاليبان" سودىرلارى ورتاق جولدى عانا باقىلاۋعا العان، قالعان جەرلەر احماد ماسۋد كۇشتەرىنە باعىنادى.

پانجشەر – تالىپتەرگە باعىنۋدان باس تارتقان جالعىز اۋعان پروۆينتسياسى.

Abai.kz

0 پىكىر