بىزدەگى كەيبىر سوت ورىنداۋشىلاردى بوپسالۋشى، دەلدال ياعني رەسمي تىركەلگەن مەملەكەتتىك الاياقتار دەپ اتاۋ كەرەك!

سوت ورىنداۋشىلار جايلى 2018 جىلى سىبايلاس جەمقورلىققا قارسى اگەنتتىكتە مونيتورينگ مۇشەسى بولىپ جۇرگەندە كوتەرگەم.

سوت ورىنداۋشىلاردىڭ مىندەتىن پروكۋراتۋراعا بەرۋ كەرەك ەكەنىن ايتقانمىن! حالىقتىڭ ، ونىڭ ىشىندە اقشالى كاسىپكەرلەردىڭ ەسەپ شوتىن 13 تەڭگە ءۇشىن جاۋىپ، شوتتى اشۋ ءۇشىن 20 مىڭ تەڭگە سۇراپ قينايتىندارىنا كۋا بولعام!
شىمكەنت قالاسىندا قانشاما ايەلدەر اليمەنت وندىرە الماي جىلاپ جۇرگەندە پروكۋراتۋرامەن بىرلەسىپ، ءبىراز انالاردىڭ ماسەلەسىن شەشكەنبىز. سول انالار قازىر مەنى وقىپ تا وتىرعان شىعار، سوت ورىنداۋشىلاردان كورگەن قورلىقتارىن ەستىپ سول كەزدە جاعامدى ۇستاعام.

سوت ورىنداۋشىلار تەك قوماقتى قارجىنىڭ ءيسى شىققاندا عانا، وزدەرىنە پايىزىن كوبىرەك بەرەم دەسەڭ جۇگىرەدى. ءتىپتى سەس، بانك، جەكە كوممۋنالدىق تولەم الاتىن كومپانيالارمەن سىبايلاسىپ، تولەم جۇرگىزبەي قويعان ادامداردىڭ ەسەپ شوتىن بۇعاتتاپ، اقشا بەرسەڭ عانا اشىپ بەرىپ وتىراتىنىن انىقتاعام.

ءبىزدىڭ ەلدە جۇيەگە وزگەرىس ەنگىزۋ ءۇشىن كوپ ادام ءولۋ كەرەك!
اۋىل ايماقتا بۇنداي رەسمي الاياقتارمەن كۇرەسۋدەن شارشاپ، ۇندەمەي اسىلىپ ءولىپ كەتىپ جاتقاندار قانشاما؟!

بەس ادامنىڭ ءولىمى وزگەرىس جاساۋعا جەتكىلىكتى شىعار يا، اۋ ەستۋشى ۇكىمەت؟
الدە تاعى ءبىراز ادامنىڭ قانى كەرەك پە؟

ايگۇل ورىنبەك

Abai.kz