اۋعانستاندى باسىپ العان "تاليبان" قوزعالىسى الەمدىك قاۋىمداستىققا وزدەرىنە ۋاقىت بەرىپ، جىلدام شەشىم شىعارماۋىن سۇرادى. 

اتالمىش ۇندەۋدى اۋعانستاننىڭ ۋاقىتشا ۇكىمەتىنىڭ ەكونوميكا ءمينيسترى كاري دين موحامماد حانيف جاسادى. ونىڭ ويىنشا جاڭا بيلىككە باعا بەرۋ ءۇشىن كەمى 20 اي ۋاقىت قاجەت. ول تالىبتەرگە سىرتتان قانداي دا ءبىر كومەكتىڭ قاجەت ەمەستىگىن دە ايتا كەتتى.

ء"بىز الەمنەن بۇرىنعى رەجيم سياقتى كومەك سۇرامايمىز. الەمدىك قاۋىمداستىق بۇرىنعى رەجيمگە 20 جىل بويى كومەكتەسىپ كەلدى. الايدا ولار جەڭىلىس تاپتى. الەم بىزگە 20 اي ۋاقىت بەرسىن، سودان كەيىن ءبىزدىڭ جەتىستىككە جەتكەنىمىز نەمەسە كەرى كەتكەنىمىز جايلى ايتسىن", — دەدى ول.

تالىبتەر بيلىككە كەلگەلى بەرى اۋعانستان حالقى ۇلكەن قيىنشىلىقتارعا تاپ بولىپ، ازىق-تۇلىك تاپشىلىعى بايقالۋدا.

Abai.kz