سەنبى, 5 ءساۋىر 2025
2865 4 پىكىر 28 قىركۇيەك, 2021 ساعات 13:39

پۋتين مەن توقاەۆ ونلاين فورۋم وتكىزەدى

قازاقستان مەن رەسەي پرەزيدەنتتەرى ونلاين-فورماتتا فورۋم وتكىزەدى. كوكشەتاۋدا وتەتىن ەكى ەلدىڭ XVII وڭىرارالىق ىنتىماقتاستىق فورۋمىنا ەكى ەل باسشىسى دا قاتىسادى. بۇل تۋرالى قاسىم-جومارت توقاەۆتىڭ ءباسپاسوز حاتشىسى بەرىك ءۋالي ءوزىنىڭ فەيسبۋك پاراقشاسىندا جازدى. 

30 قىركۇيەكتە قازاقستان پرەزيدەنتى قاسىم-جومارت توقاەۆ پەن رەسەي پرەزيدەنتى ۆلاديمير پۋتين كوكشەتاۋ قالاسىندا ونلاين-فورماتتا وتەتىن ەكى ەل اراسىنداعى XVII وڭىرارالىق ىنتىماقتاستىق فورۋمىنا قاتىسادى.

ء"ىس-شارا – ەكى مەملەكەتتىڭ وڭىرلەرى اراسىنداعى ىقپالداستىقتىڭ پەرسپەكتيۆتى باعىتتارىن تالقىلاۋ، ەكىجاقتى قاتىناستاردى نىعايتۋ، ىسكەرلىك توپتاردىڭ بايلانىستارىن جانە مەملەكەتتىك ورگاندار مەن بيزنەس وكىلدەرىنىڭ قارىم-قاتىناستارىن جانداندىرۋ ءۇشىن ءتيىمدى الاڭ. جيىنعا قاتىسۋشىلار ترانسشەكارالىق سۋ رەسۋرستارىن باسقارۋعا، كليماتتىڭ وزگەرۋى مەن كومىرتەگىنەن ارىلۋعا، سونداي-اق جانۋارلار مەن وسىمدىكتەر الەمىن قورعاۋعا قاتىستى ماسەلەلەردى تالقىلايدى. فورۋم قورىتىندىسى بويىنشا بىرقاتار قۇجاتقا قويۋ جوسپارلانعان", - دەپ جازدى بەرىك ءۋالي.

بۇعان دەيىن قازاقستان پرەزيدەنتى قاسىم-جومارت توقاەۆ رەسەيدە وتكەن شىعىس ەكونوميكالىق فورۋمىنا ونلاين قاتىسقان ەدى.

Abai.kz

4 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1503
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4224
46 - ءسوز

بىزگە بەيمالىم باراق حان

جامبىل ارتىقباەۆ 3125