سولتۇستىك قازاقستان وبلىسىنداعى لەبياجە اۋىلىندا ۆەتەرينارلىق كارانتين جاريالاندى. وندا قۇس تۇماۋى ۆيرۋسىنان مىڭنان اسا قۇس ولگەن. دەرەك جەتى فەرمادا تىركەلگەن. بۇل تۋرالى Tengrinews.kzكە سىلتەمە جاساپ Abai.kz حابارلايدى. 

وڭىرلىك ۆەتەريناريا مالىمەتىنشە 21-26 قىركۇيەك ارالىعىندا اۋىلدا تاۋىق، ۇيرەك جانە قاز جاپپاي ولگەن، بارلىعى 1003 باستى قۇرايدى. ولار ورتەۋ ارقىلى جويىلعان.

"ۆەتەرينارلىق قىزمەت ەپيزووتيالىق تەكسەرۋ جۇرگىزدى، ماتەريال ىرىكتەلىپ، زەرتتەۋ ءۇشىن زەرتحاناعا جىبەرىلدى. 24 قىركۇيەكتە "قۇس تۇماۋى" دياگنوزىن راستاۋ ناتيجەسى الىندى. اۋرۋدىڭ ىقتيمال كوزى - جابايى قۇستار، ويتكەنى بۇل ەلدى مەكەندە اققۋلار، ۇيرەكتەر جانە باسقا دا جابايى قۇستار مەكەندەيتىن سۋ قويماسى بار", - دەدى وبلىستىق ۆەتەريناريا باسقارماسىنىڭ الدىن الۋ ءبولىمىنىڭ باسشىسى قايىرلى قازانوۆ.

Abai.kz