تۇركىتىلدەس ەلدەردىڭ پارلامەنت وكىلدەرى زاماناۋي جاھاندىق سىن-قاتەرلەرى اياسىندا بارلىق ماسەلەلەر بويىنشا ءوزارا ءىس-قيمىلدى كۇشەيتۋگە نيەتتى. بۇل تۇركىتىلدەس ەلدەر پارلامەنتتىك اسسامبلەياسىنىڭ ح پلەنارلىق وتىرىسىنىڭ قورىتىندىسى بويىنشا قابىلدانعان تۇركىستان دەكلاراتسياسىندا كورىنىس تاپتى. ءماجىلىس توراعاسى نۇرلان نىعماتۋلين اتاپ وتكەندەي، بۇل تاريحي قۇجات قول جەتكىزىلگەن ناتيجەلەردى بەكىتىپ قانا قويماي، بولاشاققا دەگەن جوسپارلاردى دا كورسەتەدى.

ماجىلىستوراعاسى نۇرلان نىعماتۋلين بارلىق قاتىسۋشىلارعا قاسيەتتى قارا شاڭىراق، بۇكىل «تۇركى الەمىنىڭ رۋحاني استاناسى» كيەلى تۇركىستان جەرىنە كەلىپ، ماڭىزدى جيىنعا قاتىسقاندارىڭىز ءۇشىن شىن جۇرەكتەن العىسىن ءبىلدىردى. سونداي-اق، تۇركپا-نىڭ مەرەيتويلىق شارالارى باۋىرلاس ەلدەر اراسىنداعى ساياسي، ەكونوميكالىق، الەۋمەتتىك جانە مادەني بايلانىستاردى پارلامەنتتىك دەڭگەيدە ودان ءارى نىعايتۋعا ارنالعانىن ايتتى.

پالاتا سپيكەرىنىڭ ايتۋىنشا، «تۇركىستان دەكلاراتسياسى» بۇل تاريحي قۇجات بۇكىل تۇركى ەلدەرىنىڭ اتاجۇرتى، رۋحاني استاناسى كيەلى تۇركىستان جەرىندە قابىلدانعانى ەلدەرىمىز اراسىنداعى دوستىققا، تۋىستىققا، سىيلاستىققا جاڭا سەرپىن بەرەدى.

نۇرلان نىعماتۋلين اتاپ وتكەندەي، وسى تۇركىستان دەكلاراتسياسى تۇركپا-نىڭ نەگىزىن قالاۋشى، قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان ءابىشۇلى نازارباەۆتىڭتەڭدەسسىز جوعارى ءرولىن باعالاپ، تاريحي ۇلەسىن ەرەكشە كورسەتتى.

- ەندى مۇشە ەلدەرىمىزدىڭ بارلىق سالا بويىنشا ىنتىماقتاستىعىن نىعايتۋ، ۇيىمنىڭ حالىقارالىق مارتەبەسىن كۇشەيتۋ، تۇركى ەلدەر بىرلىگىن تەرەڭدەتۋ - وسىنىڭ بارلىعى الداعى ءبىر جىلدىڭ ىشىندە ءبىزدىڭ جۇمىستارىمىزدىڭ ەڭ ماڭىزدى باعىتتارى بولادى. جانە مۇراگەرلىكتى ساقتاپ، تۇركپا-عا مۇشە مەملەكەتتەر اياسىن كەڭەيتۋگە دە باسا نازار اۋداراتىن بولامىز، - دەدى پالاتا سپيكەرى.

سونداي-اق، نۇرلان نىعماتۋلين وسى جيىندا ءبىز العاش رەت ەلەكتروندىق ساۋدا، ەنەرگەتيكالىق رەسۋرستاردى ءتيىمدى پايدالانۋ جانە ەنەرگەتيكالىق تيىمدىلىك، كينەماتوگرافيا ماسەلەلەرى بويىنشا حالىقارالىق مودەلدىك زاڭدار قابىلداعانىن اتاپ ءوتىپ، وسىنىڭ بارلىعى، ءبىزدىڭ اسسامبلەيا جۇمىسىنا جاڭا سەرپىن بەرەتىنىنە سەنىم ءبىلدىردى.

پالاتا توراعاسى ازەربايجاننان، قىرعىزستاننان، تۇركيادان، ماجارستاننان، وزبەكستاننان كەلگەن ارىپتەستەرىنە، بارشا حالىقارالىق ۇيىم مۇشەلەرىنە بىرلەسكەن تابىستى جۇمىس ءۇشىن العىس ءبىلدىردى.

ءىس-شارا بارىسىندا ازەربايجان رەسپۋبليكاسى ميللي مەدجليسىنىڭ ءتورايىمى ساحيبا گافاروۆا، قىرعىز رەسپۋبليكاسى جوگوركۋ كەنەشىنىڭ توراعاسى تالانت مامىتوۆ، تۇركيا رەسپۋبليكاسى ۇلى ۇلتتىق جينالىسىنىڭ توراعاسى مۇستافا شەنتوپ ءسوز سويلەدى.

ايتا كەتۋ كەرەك، تۇركىستان دەكلاراتسياسىنىڭ ماڭىزدى تارماقتارى ەلباسىنىڭ تاريحي ءرولىن بەكىتۋ، ەلىمىزدەگى پرەزيدەنتتىك ساياسي رەفورمالار پاكەتىن قولداۋ، قاۋىپسىزدىكتى نىعايتۋ، COVID-19 پاندەمياسىنىڭ سالدارىمەن كۇرەسكە ارنالدى.

Abai.kz