دۇيسەنبى, 29 قاراشا 2021
46 - ءسوز 3273 11 پىكىر 30 قىركۇيەك, 2021 ساعات 17:06

پرەزيدەنت ءسوزىن "تۇران جولبارىسى" دەپ شەگەلەدى

بۇگىن قاسىم-جومارت توقاەۆ مىرزا تاعى دا تاڭ قالدىردى.
اڭگىمە رەسەي بيلىگىمەن وتكەن ونلاين فورۋمعا قاتىستى. كەزدەسۋ بارىسىندا تالقىلاۋعا تۇسكەن تاقىرىپتار ەكونوميكا، ەكى ەل اراسىنداعى بايلانىستان باستالىپ، كەزەك تابيعاتتى قورعاۋ باعىتىنا اۋىستى. وسى جەردە ءبىزدىڭ ەكولوگيا ءمينيسترىمىز «ءبىر زاماندارى بالحاشتى مەكەن ەتكەن تۇران جولبارىسىن قايتا قالپىنا كەلتىرۋ قاجەت» دەدى. رەسەي پرەزيدەنتى سول ساتتە «قازاقستاندا جولبارىس بولىپ پا ەدى؟!» دەگەن تاڭدانىسىن جاسىرمادى. مۇمكىن بىلە تۇرا استىرلى سۇراق قويعان دا شىعار…

پرەزيدەنت قاسىم-جومارت كەمەلۇلى دا وتە تاجىريبەلى ساياساتكەر عوي. رەسەي پرەزيدەنتىنە، گۋبەرناتورلارىنا، ۇكىمەت وكىلدەرىنە تۇران جولبارىسى جايلى تىڭ تاريحي اقپاراتتار بەرىپ، ونىڭ مەكەن ەتۋ ايماعىن قايتا قالپىنا كەلتىرۋدىڭ ماڭىزدىلىعى جايلى جان-جاقتى ءتۇسىندىرىپ بەردى. ءسوزىنىڭ سوڭىن «تۇران جولبارىسى!» دەپ شەگەلەپ اياقتادى. شىنى كەرەك قاسىم-جومارت كەمەلۇلىنىڭ تۇران جولبارىسى جايلى تاريحي مالىمەتتەردى تەرەڭ بىلەتىندىگى تاڭداندىردى.

جالپى العاندا پرەزيدەنتتەر كەزدەسۋى ەكىجاقتى پىكىر الماسۋمەن، دوستىق قارىم-قاتىناس نەگىزىندە ءوتتى. پرەزيدەنتىمىزدىڭ تابيعاتقا دەگەن جاناشىرلىعى، تۇران جولبارىسىن قوزعاي وتىرىپ تەرەڭ مەسسەدج تاستاعان تاكتيكالىق قادامى ۇنادى. ديپلوماتيانىڭ كوزگە كورىنبەيتىن، بىراق استارلى سوزدەرى عوي. پرەزيدەنت تە الەمدىك دەڭگەيدە تالاي كەلىسسوزدى قازاقستاننىڭ پايداسىنا شەشە بىلگەن تاجىريبەلى ساياساتكەر.

الداعى ۋاقىتتا تۇران جولبارىسى بالحاش ماڭىن قايتا مەكەندەپ، قازاقستاننىڭ جانۋارلار الەمى جاڭارادى دەپ سەنەمىن! پرەزيدەنت ايتتى، دەمەك ورىندالادى!

باۋىرجان سەرىكباەۆ

Abai.kz

11 پىكىر