الداعى ۋاقىتتا وبلىس ورتالىعىندا ونەركاسىپتىك، تۇرمىستىق جانە بيولوگيالىق قالدىقتاردى وڭدەپ، پايداعا جاراتاتىن زاۋىت سالىنباق. گەرماندىق يننوۆاتسيالىق تەحنولوگيالارمەن جاراقتاندىرىلاتىن مۇنداي زاۋىت قۇرىلىسى ەلىمىزدە العاش رەت ءبىزدىڭ وڭىردە قولعا الىنباقشى.

قازىرگى كۇنى قالانىڭ سوگرا ايماعىندا زاۋىتتىڭ وندىرىستىك بازاسى دا قاراستىرىلىپ قويىپتى. بيزنەس-جوسپارى دا جاسالىپ، ماقۇلدانعان. ونىڭ اۆتورى - «بارس» كومپانياسى» جشس-ءنىڭ باس ديرەكتورى ەۆگەني باربولين.

جالپى، سوڭعى كەزدەرى ەلىمىزدەگى قالدىقتار ماسەلەسى بيلىكتى دە، ەكولوگتاردى دا، قوعامدى دا قاتتى الاڭداتىپ وتىر. ەكونوميكا مەن تۇتىنۋدىڭ ۇزدىكسىز ءوسۋى قالدىقتاردىڭ مول شوعىرلانۋىنا اكەلىپ سوعۋدا. قوقىس شىعارۋمەن اينالىساتىن بىردە-ءبىر كومپانيا اينەك سىنىقتارى مەن پلاستيكتەردى مول كولەمدە قابىلداۋعا ءازىر ەمەس. ادامدار قوقىستاردى قانشا ورتەپ، جەرگە كومگەنمەن بۇل ماسەلەنىڭ وڭايلىقپەن شەشىلەر ءتۇرى جوق.

الداعى ۋاقىتتا وبلىس ورتالىعىندا ونەركاسىپتىك، تۇرمىستىق جانە بيولوگيالىق قالدىقتاردى وڭدەپ، پايداعا جاراتاتىن زاۋىت سالىنباق. گەرماندىق يننوۆاتسيالىق تەحنولوگيالارمەن جاراقتاندىرىلاتىن مۇنداي زاۋىت قۇرىلىسى ەلىمىزدە العاش رەت ءبىزدىڭ وڭىردە قولعا الىنباقشى.

قازىرگى كۇنى قالانىڭ سوگرا ايماعىندا زاۋىتتىڭ وندىرىستىك بازاسى دا قاراستىرىلىپ قويىپتى. بيزنەس-جوسپارى دا جاسالىپ، ماقۇلدانعان. ونىڭ اۆتورى - «بارس» كومپانياسى» جشس-ءنىڭ باس ديرەكتورى ەۆگەني باربولين.

جالپى، سوڭعى كەزدەرى ەلىمىزدەگى قالدىقتار ماسەلەسى بيلىكتى دە، ەكولوگتاردى دا، قوعامدى دا قاتتى الاڭداتىپ وتىر. ەكونوميكا مەن تۇتىنۋدىڭ ۇزدىكسىز ءوسۋى قالدىقتاردىڭ مول شوعىرلانۋىنا اكەلىپ سوعۋدا. قوقىس شىعارۋمەن اينالىساتىن بىردە-ءبىر كومپانيا اينەك سىنىقتارى مەن پلاستيكتەردى مول كولەمدە قابىلداۋعا ءازىر ەمەس. ادامدار قوقىستاردى قانشا ورتەپ، جەرگە كومگەنمەن بۇل ماسەلەنىڭ وڭايلىقپەن شەشىلەر ءتۇرى جوق.
وسكەمەندە مۇنداي زاۋىتتى اشۋدىڭ قاجەتتىلىگىن جەرگىلىكتى بيلىك وكىلدەرى مەن ەكولوگتار كوپتەن بەرى ويلاستىرىپ جۇرگەن بولاتىن. ءتىپتى، قانداي دا ءبىر تالپىنىستار دا جاسالعان-دى. ەندى، مىنە، وسىناۋ يدەيانىڭ ىسكە اسۋى قازاقستان مەن گەرمانيا اراسىنداعى بىرلەسكەن ينجينيرينگتىك ورتالىق اشۋ تۋرالى كەلىسىمنىڭ ناتيجەسىندە مۇمكىن بولىپ وتىر. وسىناۋ بىرلەسكەن جوبانىڭ اياسىندا ەكولوگيا ماسەلەلەرىن شەشۋ دە قاراستىرىلعان. «بارس» كومپانياسى» جشس ديرەكتورى ەۆگەني باربولين نەمىستەرمەن بىرلەسكەن جوبانىڭ ناتيجەسىندە قوقىس وڭدەۋ يندۋسترياسىنىڭ ەندى وڭىرىمىزدە اياقتان نىق تۇراتىنىنا سەنىم ءبىلدىرىپ وتىر.

- نەمىس تەحنولوگياسى ءبىر ءوندىرىس شەڭبەرىندە اينەكتى دە، پلاستيكتەر مەن اۆتوشينالاردى دا وڭدەۋگە مۇمكىندىك بەرەدى، - دەيدى ول. - مۇنى بولاشاق زاۋىتتىڭ نوۋ حوۋى دەسەك تە بولادى. مۇنداي زاۋىت ازىرگە قازاقستاندا جوق. پيلوتتى جوبا العاش رەت ءبىزدىڭ وڭىرىمىزدە قولعا الىنباق.

"اباي-اقپارات"