قازاقستاندىقتار ءۇي جانۋارلارىنا ميكروچيپ سالۋعا مىندەتتى بولادى. بۇل تۋرالى ەكولوگيا، گەولوگيا جانە تابيعي رەسۋرستار ۆيتسە-ءمينيسترى ءاليا شالابەكوۆا حابارلادى.

"جانۋارلاردى تىركەۋ ءتارتىبى بار، ولار ۆەتەرينارلىق كلينيكالاردا نەمەسە جانۋاردىڭ يەسىمەن جۇرگىزىلەتىن بولادى. بارلىق مالىمەتتەر ۆەتەرينارلىق كلينيكالار جۇرگىزەتىن مالىمەتتەر بازاسىنا ەنگىزىلەدى. ءۇي جانۋارىنىڭ يەسى تىركەلمەگەن جانۋارمەن ۆەتەرينارلىق كلينيكاعا كەلىپ، كەز كەلگەن جاعدايدا وعان قاجەتتى كومەك الادى. بىراق سونىمەن بىرگە، ەگەر جانۋار انىقتالماسا، وندا اكىمشىلىك جاۋاپكەرشىلىك بولۋى مۇمكىن. بۇل وسى زاڭ قابىلدانعان جاعدايدا ىسكە اسپاق", - دەدى ءاليا شالابەكوۆا ورتالىق كوممۋنيكاتسيالار قىزمەتىندە وتكەن بريفينگتە.

ەندى ءۇي يەلەرى جانۋارلارىن تىركەمەسە، 10 اەك (29 170 تەڭگە) تولەۋگە تۋرا كەلەدى. ەگەر زاڭ بۇزۋشىلىق قايتالانسا، ايىپپۇل جوعارى بولادى.

Abai.kz