ءماجىلىس توراعاسى نۇرلان نىعماتۋلين 2022-2024 جىلدارعا ارنالعان رەسپۋبليكالىق بيۋدجەتتىڭ جوباسىن ماقۇلداۋ بارىسىندا ءبىرىنشى كەزەكتە، ادەتتەگىدەي، الەۋمەتتىك مىندەتتەردى قارجىلاندىرۋعا ەرەكشە نازار اۋدارىلعانىن اتاپ ءوتتى.

نۇرلان نىعماتۋليننىڭ ايتۋىنشا، الداعى ءۇش جىلعا ارنالعان رەسپۋبليكالىق بيۋدجەت جوباسى مەملەكەتتىڭ بارلىق الەۋمەتتىك مىندەتتەمەلەرىن ورىنداۋعا مۇمكىندىك بەرەتىن، ەلدى دامىتۋ ماقساتتارىنا جاۋاپ بەرەتىن، پاندەميادان كەيىنگى قالپىنا كەلتىرۋدىڭ كۇردەلى جاعدايلارىن ەسكەرەتىن ەتىپ جاسالعان. بۇل رەتتە دەپۋتاتتاردىڭ دا، ۇكىمەتتىڭ دە مىندەتىبولىنگەن قاراجاتتىڭ ماقساتتى، اشىق ءارى ءتيىمدى يگەرىلۋى.

زاڭ جوبالارىن تالقىلاۋ بارىسىندا دەپۋتاتتار جاۋاپتى مەملەكەتتىك ورگانداردىڭ باسشىلارىنا بىرقاتار سۇراقتار قويىپ، ءوز پىكىرلەرىمەن ءبولىستى.

اتاپ ايتقاندا، دەپۋتاتتار ۇشجىلدىق بيۋدجەت جوباسىندا مۇگەدەكتەردىڭ ءومىر ءسۇرۋ ساپاسىن جاقسارتۋعا 79,8 ملرد. تەڭگە قاراستىرىلعانىن، وسى قاراجات ەسەبىنەن مۇگەدەك ادامدار تەحنيكالىق وڭالتۋ قۇرالدارىمەن قامتاماسىز ەتىلەتىنىنە توقتالدى. ولار پروتەزدەر، اربالار، ساناتوري-كۋرورتتىق ەم الۋ. سونداي-اق 84 مىڭ تەحنيكالىق كومپەنساتورلىق قۇرال، 9,6 مىڭ ەستۋ اپپاراتى، 16 مىڭ تيفلوتەحنيكالىق قۇرال جانە باسقالارى ساتىپ الىناتىن بولادى. دەپۋتاتتاردىڭ پىكىرىنشە، 2020 جىلدان بەرى اتالعان تاۋارلاردى ساتىپ الۋ «الەۋمەتتىك كورسەتىلەتىن قىزمەتتەر پورتالى» دەپ اتالاتىن مينيسترلىكتىڭ اقپاراتتىق جۇيەسى ارقىلى جۇزەگە اسىرىلادى. ناتيجەسىندە ادامدار كوپتەگەن پروبلەمالارعا تاپ بولدى. ايتالىق ولار تاۋارلاردىڭ ساپاسىن انىقتاپ، تاۋەكەلدەر ءۇشىن وزدەرى جاۋاپ بەرۋ كەرەك.ەگەر اقاۋلار تابىلعان جاعدايدا، قايتارۋ ماسەلەسىن دە ءوز ەسەبىنەن شەشۋلەرى كەرەك. وسىعان بايلانىستى ءتيىستى مينيسترلىك باسشىسىنا ساپالى جۇمىسپەن قامتاماسىز ەتۋ ماسەلەسىن كوتەردى.

وسىعان بايلانىستى نۇرلان نىعماتۋلين:

- بۇل پروبلەما بۇگىن عانا ايتىلىپ وتىرعان جوق. بۇل تۋرالى دەپۋتاتتار ءسىزدىڭ اتىڭىزعا دەپۋتاتتىق ساۋال دا جولدادى. ءسىز شەشۋگە ۋادە بەردىڭىز. بىراق، جارتى جىل ءوتتى. ءالى ەشقانداي وزگەرىستەر جوق. قانداي جۇمىس جاسالدى؟ بۇگىن مىنە، تاعى دا بولىنەتىن قاراجاتتى كوبەيتۋدى سۇراپ وتىرسىز. ال، ونىڭ ناتيجەسى قانداي بولادى؟ ارينە وسىنداي كىسىلەرگە كومەكتەسۋىمىز قاجەت.سول ءۇشىن ءار بيۋدجەتتى قاراعان كەزدە ەڭ كوپ قارجى سىزدەرگە  بولىنەدى. وعان سايكەس، ناتيجە دە جوعارى دەڭگەيدە بولۋ كەرەك، - دەدى.

سونىمەن قاتار، بيۋدجەتتىك زاڭ جوبانى تالقىلاۋ بارىسىندا مەملەكەتتىڭ تۇراقتى دامۋىنا ەكونوميكالىق جانە الەۋمەتتىك احۋالعا قاتىستى سۇراقتار جان-جاقتى قارالدى. ناتيجەسىندە 2022-2024 جىلدارعا ارنالعان رەسپۋبليكالىق بيۋدجەتتى ماقۇلداۋ جونىندەگى كاۋلى قابىلداندى. وسىعان وراي ءماجىلىس توراعاسى:

- ءبىز پارلامەنتتىڭ دە،  ۇكىمەتتىڭ دە الدىندا تۇرعان  ەڭ جاۋاپتى مىندەتتىڭ ءبىرى - ءۇش جىلدىق بيۋدجەتتى ماقۇلدادىق. وسى ءۇش جىلدىق بيۋدجەتتە ءبىرىنشى كەزەكتە، ادەتتەگىدەي، الەۋمەتتىك مىندەتتەردى قارجىلاندىرۋعا ەرەكشە نازار اۋدارىلدى. شىن مانىندە، بيۋدجەتتىڭ جارتىسى وسى  سالاعا  ارنالدى دەۋگە بولادى. سونىمەن بىرگە، ەڭبەكپەن قامتۋ، كاسىپكەرلىكتى قولداۋ، بيزنەستى دامىتۋ، اۋىلدى وركەندەتۋ  باسقا دا سالالارعا ءتيىستى   قاراجاتتار  قارالدى. وسىنىڭ ناتيجەسىندە ءبىز ەلىمىزدىڭ جانە حالقىمىزدىڭ الەۋمەتتىك ەكونوميكالىق باعىتىن ودان ءارى نىعايتۋعا تاعى  ءبىر  ناقتى  قادام  جاسادىق. ەندىگى باستى مىندەت – وسى قاراجاتتاردى جوسپارعا سايكەس، ءوز ۋاقىتىندا،  ءتيىمدى  پايدالانۋ. وسى جولدا ۇكىمەت دەپۋتاتتىق كورپۋسپەن بىرلەسە وتىرىپ، ناتيجەلى جۇمىس اتقارادى  دەپ سەنەمىز، - دەدى ءماجىلىس توراعاسى.

Abai.kz