“مۇقاعالي” كينوسىندا اقىن، برەجنەۆتىڭ سۋرەتىن ورتەيدى. ورىس پاتشالارىنىڭ ىشىندە قازاققا وڭ كوزىمەن قاراعانى برەجنەۆ ەدى. قوناەۆتىڭ سويىنا ءتىلى كەلمەي ديماش اتاپ، سول ءسوز اينالىمعا ەندى. قازىر الەم ديماش دەپ اندەتەدى! سول برەجنەۆ داۋىرىندە مۇقاعالي الماتىداعى “القاش اقىن” قاۋەسەتىنەن قاشىپ، كەربەز دە سۇلۋ كەلىنشەك ۆيكتوريانى جەتەكتەپ ماسكەۋدەن بايىز تاپقانىن بىلايعى جۇرت بىلمەيدى. مۇقاعاليدىڭ وتتى جىرلارى، عالامات عاشىقتىق ماحاببات ليريكالارى سول جىلدارى جازىلعان!

قازاققا مەيىرىمى وتكەن تاعى ءبىر كىسى برەجنەۆكە دەيىن رەسپۋبليكانى باسقارعان پونومارەنكو دەگەن بەلارۋس. ايداۋداعى اۋەزوۆ پەن ساتباەۆتى ەلگە اكەلىپ جاعدايلارىن جاساعان. ساكەن، بەيىمبەت، يلياستى اقتاعان. سول تىزىمدە شاكارىم مەن ماعجان دا بولعان. جىلعا تولماي حرۋششەۆ پونومارەنكونى ۇندىستانعا ەلشى ەتىپ قۋماعاندا بار مىقتىلارىمىز ەلۋىنشى جىلدارى اقتالىپ كەتەر مە ەدى؟

شاكارىم تسك اقتالۋ تىزىمىنە ەنگەن سوڭ ۇلتجاندى ازاماتتار بىرنەشە رەت قاعازدارىن دايىنداپ، كەيىنگى باسشى قوناەۆقا كىرگىزگەن. قوناەۆ ء“الى ۋاقىتى كەلمەدى، ءتۇبى ءبىر اقتالادى” دەپ قايتارىپ وتىرعان.
قازىر جاڭا تاريحتى جازىپ، سەريالدار تۇسىرگەندە وسىنداي تاريحي انىق فاكتىلەردى كورسەتۋ مىندەت.

كوپۇلتتى ەلمىز. وتانىمىزعا بار ۇلىس ادال قىزمەت ەتسىن دەيمىز. ولاي بولسا، ولاردىڭ تاۋەلسىز قازاقستانعا ادال قىزمەتىنە ونەگە بولار تۇلعالاردىڭ جاقسىلىعىن دا ايتۋ پارىز! اسىرەسە بۇل حالىق اسسامبلەياسىنىڭ ءبىرىنشى قاسيەتتى ءىسى!
وسىنى وقىپ-ەستىپ بىلگەن سوڭ ايتامىز. كەرەگىنە جاراتار ەستيتىن ۇكىمەتىمىز بار بولسا!

ماحات سادىق

Abai.kz