جۋىردا رەسەيدىڭ «روسسيسكايا گازەتا» باسىلىمى رەسەي سىرتقى ىستەر ءمينيسترى سەرگەي لاۆروۆتىڭ «قازاقستان مەن رەسەي: شەكاراسىز سەرىكتەستىك» (روسسيا ي كازاحستان: سوترۋدنيچەستۆو بەز گرانيتس) ماقالاسىن جاريالادى.

لاۆروۆ ءوز ماقالاسىندا «قازاقستاندا ورىستىلدىلەرگە كسەنوفيبيالىق كوزقاراس بار» ەكەنىن جازعان. «وكىنىشكە قاراي كەيىنگى كەزدەرى قازاقستاننىڭ ءورىستىلدى ازاماتتارىنا دەگەن كسەنوفيبيالىق سارىنىن بايقادىق. كەيبىر جاعدايلار كوبىنەسە ىشكى ۇلتشىلدىقتى تۋعىزۋعا جانە رەسەيمەن سەرىكتەستىككە قارسى باعىتتالعان «سىرتتان كەلەتىن ارنايى اقپارات ءونىمىن قولدانعاننان» پايدا بولادى»، - دەپ سويلەگەن سەرگەي لاۆروۆ.

قازاقستانداعى كسەنوفوبيا تۋرالى لاۆروۆتىڭ بۇل ءسوزى قوعامنىڭ قىزۋ تالقىسىنا ءتۇستى. الەۋمەتتىك جەلىلەر مەن اقپارات قۇرالدارىندا ماقالالار مەن پىكىرلەر لەگ-لەگىمەن جاريالاندى. ارادا ونشاقتى وتكەندە قازاقستاننىڭ سىرتقى ىستەر ءمينيسترى مۇحتار تىلەۋبەردى لاۆروۆتىڭ ماقالاسىنا قاتىستى پىكىر ءبىلدىرىپتى.

سونىمەن ءبىزدىڭ مينيستر مۇحتار تىلەۋبەردى رەسەي مينيستر سەرگەي لاۆروۆتىڭ ماقالاسىن اقتاۋعا ءبىراز الەكتەنىپتى.

«قازاقستان مەن رەسەي اراسىندا سىرتقى ىستەر مينيسترلىگى، قۇقىق قورعاۋ ورگاندارى، پرەزيدەنت اكىمشىلىكتەرى اراسىندا تىكەلەي بايلانىس كانالدارى ورناتىلعان. وسى كانالدارعا سۇيەنىپ، ءبىز سونداي ماسەلەلەردى: شوۆينيزم بولسىن، كسەنوفوبيا بولسىن، سونداي وقيعالارعا بىرلەسىپ جاۋاپ بەرە الامىز» دەپ جازىلعانىن ايتقان مۇحتار تىلەۋبەردىنىڭ بۇل ارەكەتىن لاۆروۆتىڭ لەپىرمەسىن اقتاۋ ارەكەتى دەگەننەن باسقا ءسوزىمىز جوق.

مينيستر تىلەۋبەردى وعان قوسا، ماقالادا قازاقستان مەن رەسەيدىڭ باۋىرلاستىعى تۋرالى جانە ءار سالادا جان-جاقتى دوستىق قارىم قاتىناس ورناتىلعانى تۋرالى ايتىلعانىن العا تارتقان ەكەن. ءارى قاراي، قازاقستانداعى كسەنوفوبيا تۋرالى جازىلعان سويلەمدى «كونتەكستەن ءبولىپ العانسىزدار»، دەيدى.

سولاي، مىنە!

ايجان تەمىرحان

Abai.kz