الماتى وبلىسىندا كنيجەۆسك سۋ قويماسى بوگەتى جارىلدى. 21 قاراشا كۇنى ساعات 23:13-تە الماتى وبلىسىنىڭ توتەنشە جاعدايلار دەپارتامەنتىنە مىڭباەۆ اۋىلىنىڭ ماڭىندا كنيجەۆسك سۋ قويماسى بوگەتىنىڭ جارىلعانى تۋرالى حابارلاما كەلىپ تۇسكەن.

وقيعا سالدارىنان زارداپ شەككەندەر مەن تۇرعىن ۇيلەردى سۋ باسۋ، مىڭباەۆ – قاسىمبەك اۋداندىق ماڭىزى بار تاس جولدى سۋ الۋ فاكتىلەرى تىركەلمەدى. قازىرگى ۋاقىتتا پوليتسيا قىزمەتكەرلەرى كولىك قوزعالىسىن شەكتەۋ ءۇشىن بەكەتتەر ورناتقان.

جەدەل شارالار ناتيجەسىندە سۋدىڭ كولەمى ازايۋدا. قازىرگى ۋاقىتتا ەلدى مەكەندەردى سۋ باسۋ قاۋپى جوق. وقيعا ورنىندا الماتى وبلىسى توتەنشە جاعدايلار دەپارتامەنتىنىڭ باسشىسى باستاعان قر توتەنشە جاعدايلار مينيسترلىگىنىڭ بولىمشەلەرى، جەرگىلىكتى اتقارۋشى ورگانداردىڭ قىزمەتكەرلەرى جۇمىس جاساۋدا.

Abai.kz