بالقاش. 13 شىلدە. قازتاگ –  وتكەن جۇما كۇنى بالقاش كولىنىڭ جاعاسىندا قالا باسشىلىعىنىڭ باستاماسىمەن ۇيىمداستىرىلعان جاستاردىڭ بي كەشىندە قارۋ قولدانۋمەن توبەلەس بولدى، ءبىر ادام قازا تاپتى. بۇل تۋرالى قازتاگ تىلشىسىنە وقيعانىڭ كۋاگەرلەرى، بالقاش تۇرعىندارى حابارلادى.

بالقاش قىىب جەدەل حابارلاماسىندا ايتىلعانداي، وقيعا 10 شىلدەدە 22 ساعات 45 مينۋتتا بولعان. 1988 جىلى تۋعان جىگىت موينىنا جانە جەلكەسىنە تيگەن وقتان العان جاراقاتتارمەن اۋىر كۇيدە تابىلعان. ول جەدەل جاردەم كولىگىندە اۋرۋحاناعا جەتپەي كوز جۇمدى.

«وقيعا ورنىندا «بايكال» تاپانشاسى جانە «وسا» تراۆماتيكالىق قارۋى تابىلدى. «بايكال» تاپانشاسىنىڭ وقتىعىندا 9 مم ءبىر وق، ال وقجاتارىندا تاعى بەس وق بولعان»، دەلىنگەن حابارلامادا.

سول كۇنى پوليتسياعا قارمۋ-دىڭ 20 جاستاعى ستۋدەنتى ارىزدانىپ كەلگەن، ول بي كەشىندە وزىنە قارۋلى شابۋىل جاسالعانىن، بەلگىسىز ەر ادام وعان وسا تراۆماتيكالىق قارۋىنان وق اتىپ، جاراقات جاساعانىن حابارلادى.

قازتاگ-قا بەلگىلى بولعانىنداي، بالقاش پوليتسياسىنا قالانىڭ 23 جاستاعى تۇرعىنى كەلىپ، بي كەشىندە وعان جاستار توبى شابۋىل جاساپ، سوققىعا جىققانىن، ول قورعانۋ ماقساتىندا «بايكال» تاپانشاسىنان ەكى رەت وق اتقانىن مويىنداعان. ونىڭ ايتۋىنشا، ول قارۋدى كولدىڭ جاعاسىنان تاۋىپ العان. حابارلامادا اتاپ كورسەتىلگەندەي، قىىب-دە اتالعان ماركالى تاپانشانىڭ جوعالۋ دەرەگى تىركەلگەن. تەرگەۋ جۇرگىزىلىپ جاتىر.

بالقاش. 13 شىلدە. قازتاگ –  وتكەن جۇما كۇنى بالقاش كولىنىڭ جاعاسىندا قالا باسشىلىعىنىڭ باستاماسىمەن ۇيىمداستىرىلعان جاستاردىڭ بي كەشىندە قارۋ قولدانۋمەن توبەلەس بولدى، ءبىر ادام قازا تاپتى. بۇل تۋرالى قازتاگ تىلشىسىنە وقيعانىڭ كۋاگەرلەرى، بالقاش تۇرعىندارى حابارلادى.

بالقاش قىىب جەدەل حابارلاماسىندا ايتىلعانداي، وقيعا 10 شىلدەدە 22 ساعات 45 مينۋتتا بولعان. 1988 جىلى تۋعان جىگىت موينىنا جانە جەلكەسىنە تيگەن وقتان العان جاراقاتتارمەن اۋىر كۇيدە تابىلعان. ول جەدەل جاردەم كولىگىندە اۋرۋحاناعا جەتپەي كوز جۇمدى.

«وقيعا ورنىندا «بايكال» تاپانشاسى جانە «وسا» تراۆماتيكالىق قارۋى تابىلدى. «بايكال» تاپانشاسىنىڭ وقتىعىندا 9 مم ءبىر وق، ال وقجاتارىندا تاعى بەس وق بولعان»، دەلىنگەن حابارلامادا.

سول كۇنى پوليتسياعا قارمۋ-دىڭ 20 جاستاعى ستۋدەنتى ارىزدانىپ كەلگەن، ول بي كەشىندە وزىنە قارۋلى شابۋىل جاسالعانىن، بەلگىسىز ەر ادام وعان وسا تراۆماتيكالىق قارۋىنان وق اتىپ، جاراقات جاساعانىن حابارلادى.

قازتاگ-قا بەلگىلى بولعانىنداي، بالقاش پوليتسياسىنا قالانىڭ 23 جاستاعى تۇرعىنى كەلىپ، بي كەشىندە وعان جاستار توبى شابۋىل جاساپ، سوققىعا جىققانىن، ول قورعانۋ ماقساتىندا «بايكال» تاپانشاسىنان ەكى رەت وق اتقانىن مويىنداعان. ونىڭ ايتۋىنشا، ول قارۋدى كولدىڭ جاعاسىنان تاۋىپ العان. حابارلامادا اتاپ كورسەتىلگەندەي، قىىب-دە اتالعان ماركالى تاپانشانىڭ جوعالۋ دەرەگى تىركەلگەن. تەرگەۋ جۇرگىزىلىپ جاتىر.

بالقاش جاعالاۋىندا جاستار ءۇشىن تەگىن بي كەشتەرى قالا اكىمدىگىنىڭ باستاماسىمەن وسىدان ءبىر اي بۇرىن جاستاردى كەشكى ۋاقىتتا مادەني شارالارعا تارتۋ ماقساتىمەن ۇيىمداستىرىلعان بولاتىن. كۋاگەرلەردىڭ ايتۋىنشا، بي كەشتەرىندە وقيعالار ءجيى بولىپ تۇرادى. تۇرعىنداردىڭ حابارلاۋىنشا، وتكەن سەنبى جانە جەكسەنبى كۇندەرى بي كەشى وتكىزىلمەگەن.