جەتكىلىكتىلىكتىڭ ەڭ تومەنگى شەگى 2022 جىلدان باستاپ وزگەرەدى. 2021 جىلى 20 جاستاعى قازاقستاندىق ءۇشىن جەتكىلىكتىلىك شەكتى مولشەرى 1 710 000 تەڭگە بولسا، 2022 جىلدان باستاپ ول 3 140 000 تەڭگە بولادى.

بجزق-دا شەكتى ءماننىڭ كۇرت كوتەرىلۋىنە تۇسىنىكتەمە بەرىلدى. ۆەدومستۆو ۇكىمەت قاۋلىسىمەن بەكىتىلگەن جەتكىلىكتىلىكتىڭ ەڭ تومەنگى شەگىن انىقتاۋ ادىستەمەسىنە سىلتەمە جاسادى.

ادىستەمەگە سايكەس، ەڭ تومەنگى جەتكىلىكتىلىك شەگىنىڭ ماندەرى ءاربىر جاس ءۇشىن ەسەپتەلەدى جانە بولاشاق زەينەتاقى تولەمدەرى مەن زەينەتاقى جارنالارىنىڭ ءوسىمىن ەسكەرەدى. «رەسپۋبليكالىق بيۋدجەت تۋرالى» زاڭعا سايكەس جىل سايىن يندەكستەلەتىن ەڭ تومەنگى جالاقى، ەڭ تومەنگى زەينەتاقى، ەڭ تومەنگى كۇنكورىس دەڭگەيىنىڭ ءمانى سياقتى الەۋمەتتىك كورسەتكىشتەر قولدانىلادى.

«ەڭ تومەنگى جەتكىلىكتىلىك شەگىنىڭ مولشەرىن ەسەپتەۋ وسى كورسەتكىشتەردىڭ ءوسۋىن ەسكەرە وتىرىپ، جىل سايىن وزگەرتىلەدى» دەپ حابارلادى بجزق.

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىسى بويىنشا جانە قر ۇلتتىق ەكونوميكا مينيسترلىگىمەن كەلىسىم بويىنشا جىل سايىنعى نەگىزدە قابىلداناتىن شەكتى ءماندى انىقتاۋ ءۇشىن پارامەترلەر قولدانىلادى.

«2022 جىلعا ارنالعان الەۋمەتتىك كورسەتكىشتەردىڭ مولشەرى ۇلعايتىلعاندىقتان، 2022 جىلعا ارنالعان ەڭ تومەنگى جەتكىلىكتىلىك شەگى دە وسكەن. اتاپ ايتقاندا، ەڭ تومەنگى جالاقى مولشەرى 2021 جىلعى 42 500 تەڭگەدەن 2022 جىلى 60 000 تەڭگەگە دەيىن (نەمەسە 41 %-عا) ۇلعايتىلعان» دەلىنگەن حابارلامادا.

ەسكە سالساق، 2021 جىلدىڭ قاڭتارىندا ازاماتتارعا جيناقتالعان زەينەتاقى قاراجاتىنىڭ ءبىر بولىگىن تۇرمىس جاعدايىن جاقسارتۋعا، ەمدەلۋگە اقى تولەۋگە، سونداي-اق جەكە باسقارۋشى كومپانيالاردى ينۆەستيتسيالىق باسقارۋعا بەرۋگە پايدالانۋعا قۇقىق بەرىلدى.

بۇل قۇقىقتى تۇراقتى جانە تولىق زەينەتاقى جارنالارىن اۋدارۋ ارقىلى جەتكىلىكتىلىكتىڭ ەڭ تومەنگى شەگىنەن اساتىن جيناقتارىن قالىپتاستىرعان سالىمشىلار پايدالانا الادى.

Abai.kz