ارناۋل قۇرالداردىڭ 15 بولىمنەن تۇراتىن ءتىزىمى "اشىق. نقا" پورتالىندا جاريالاندى:

1. سوققىعا قارسى (قورعاۋ) قالقان

2. مەتالل قول كىسەندەرى

3. كوزدى جاساۋراتاتىن گاز بار باللون

4. ارنايى تاياق

5. قورعاۋ قالقاندارىنىڭ جيىنتىعى

6. ولىمگە اكەلمەيتىن قارۋ (جاراقاتتايتىن پاتروندارمەن)

7. بايلانىس جۇيەسىمەن المالى-سالمالى قايىرماسى بار سوققىعا قارسى قورعاۋ دۋلىعالارى

8. ءارتۇرلى قورعاۋ دەڭگەيىندەگى بروندى كەۋدەشە

9. جارىق-دىبىستى گراناتالار

10. كولىك قۇرالدارىن ماجبۇرلەپ توقتاۋعا ارنالعان قۇرىلعىلار

11 ءۇي-جايلاردى اشۋعا ارنالعان قۇرىلعىلار

12. ەلەكترمەن ەستەن تاندىرۋ قۇرىلعىلارى

13. ارنايى داۋىس زورايتقىش قۇرىلعىلار

14. قىزمەتتىك يتتەر

15. قاشىقتىقتان ارەكەت ەتەتىن اكۋستيكالىق قۇرىلعى

قورعانىس مينيسترلىگىنىڭ حابارىنا قاراعاندا، اتالعان قۇجات 2005 جىلى شىققان "اسكەري پوليتسيا ورگاندارى تۋرالى" زاڭنىڭ 12 بابىنا سايكەس ازىرلەنىپ، "اسكەري قىزمەتشىلەردىڭ قاتىسۋىمەن وتەتىن ءتۇرلى شارالار بارىسىندا قۇقىق ءتارتىبىن قامتاماسىز ەتۋگە تارتىلاتىن اسكەري پوليتسيا بولىمشەلەرى قامتىلاتىن ارنايى قۇرالدار اتاۋلارىنىڭ تىزبەسى بەلگىلەنگەن".

قورعانىس مينيسترلىگى ءسوز "اسكەري پارادتار، "KADEX" حالىقارالىق كورمەسى، وقۋ-جاتتىعۋلار، اسكەري تەحنيكا مەن وق-دارىلەردى تاسىمالداۋ" تۋرالى دەپ كورسەتكەن.

تىزىمدەگى ارنايى قۇرالداردى بيلىك ادەتتە ميتينگىلەر مەن جاپپاي قارسىلىق اكتسيالارىن كۇشتەپ تاراتۋ ءۇشىن قولدانادى.

قورعانىس مينيسترلىگى تاراتقان ءباسپاسوز رەليزىندە "اسكەري پوليتسيا ورگاندارى اسكەردەگى ءتارتىپتى قامتاماسىز ەتەدى" دەپ كورسەتكەن.

قۇجات سايتقا 3 جەلتوقساندا شىققان، ودان بەرى ءبىر عانا پىكىر جازىلعان. "قارسىمىن. اسكەر حالىقپەن ەمەس، سىرتقى جاۋىمەن كۇرەسۋگە ءتيىس. بىلىقتىرىپ جاتىر!"– دەپتى مارينا سەرەبرەننيكوۆا دەگەن پىكىر جازۋشى.

قورعانىس ءمينيسترى مۇرات بەكتانوۆ قول قويعان قۇجاتتا "بۇيرىق جاريالانعان سوڭ ون كۇنتىزبە كۇن ىشىندە كۇشىنە ەنەدى" دەپ كورسەتىلگەن.

Abai.kz