رەسەيدىڭ مەملەكەتتىك دۋمان سپيكەرى ۆياچەسلاۆ ۆولودين 5 جەلتوقساندا ءوزىنىڭ Telegram-ارناسىندا كسرو-نىڭ ىدىراۋىنىڭ سەبەپتەرى تۋرالى ساۋالناما جاريالادى. ساياساتكەردىڭ ءوز ويىنشا، كەڭەس وداعىنىڭ ىدىراۋى ەل تۇرعىندارى ءۇشىن ۇلى تراگەديا، ويتكەنى «بۇرىنعى ۋاقىتتا قورعالعان، سالىنعان جانە جاسالعاننىڭ ءبارى كۇيرەگەن».

«بۇگىنگە دەيىن كسرو-نىڭ ىدىراۋىنا قاتىستى نەشە ءتۇرلى پىكىرلەر ايتىلىپ كەلەدى»، - دەيدى. ۆولودين ءوز ارناسىنداعى داۋىس بەرۋشىلەر ءۇشىن بەس جاۋاپ نۇسقاسىنىڭ ءبىرىن تاڭداۋعا شاقىردى. نۇسقالار كەلەسىدەي ەدى: ەل باسشىلىعىنىڭ السىزدىگى، پارتيالىق ەليتانىڭ ساتقىندىعى، دۇكەندەردەگى بوس سورەلەر (تاپشىلىق), ساياساتتا باسەكەلەستىكتىڭ جوقتىعى - ءبىر پارتيانىڭ بيلىگىنە مونوپوليا (كوممۋنيستىك پارتيا) جانە شەتەلدىك ارالاسۋ.

ساۋالناماعا 11 مىڭنان استام ادام جاۋاپ بەرىپ ۇلگەردى. قولدانۋشىلاردىڭ 54%-ى ەليتانىڭ ساتقىندىعىن، 23%-ى – شەتەلدىك ارالاسۋدى، 12%-ى – ءالسىز باسشىلىقتى، 10%-ى – ۇكىمەتتە باسەكەلەستىكتىڭ جوقتىعىن، 1%-ى دۇكەندەردەگى بوس سورەلەردى (تاپشىلىق) تاڭداعان.

ساياساتكەر جازباعا تپىكىر ءبىلدىرۋدى اشىق قالدىرىپ، 1,9 مىڭنان استام ادام پىكىر ءبىلدىرىپتى.

Abai.kz