الداعى قىستا (4-20 اقپان) بەيجىندە قىسقى وليمپيادا وتكەلى وتىرعانى بەلگىلى. وسى وليمپياداعا اقش ۇكىمەتى ديپلوماتيالىق بويكوت جاريالاپ، ونى كونگرەسسى قولدادى.

ديپلوماتيالىق بويكوت دەگەن نە؟ بۇل سول وليمپياداعا بويكوت جاريالاعان ەلدەردىڭ رەسمي وكىلدەرى، دەلەگاتسياسى بارمايدى دەگەن ءسوز. مىسالى بەيجىندەگى وليمپياداعا اقش-تان ارنايى دەلەگاتسيا، جاتتىقتىرۋشىلار شتابى، سپورت فۋنكتسيونەرلەرى، باسقا دا رەسمي وكىلدەر بارمايدى. ال جەكەلەگەن سپورتشىلاردىڭ ءوز قاراجاتتارىنا بارۋىنا قارسىلىق جوق، ويتكەنى ولار ءتورت جىل بويى دايىندالدى، سوندىقتان ەڭبەكتەرى ەش كەتپەگەندەرى دۇرىس. ياعني ادام قۇقى ساقتالادى.

بۇعان قىتاي باسشىلىعى ەرىن باۋىرىنا الىپ تۋلاپ-اق جاتىر. ولار، ارينە، اقش-تىڭ وسىلاي جاسارىن اۋەل باستان-اق سەزگەن، ەندىگى ولاردىڭ قورقاتىنى - وسى بويكوت جاپپاي سىيپات الىپ كەتە مە دەپ قورقادى. اۆتوريتارلى رەجيمدەردىڭ ەڭ ءبىر ەلەۋلى، حالىقتى جاپپاي ءوز يدەولوگياسىنىڭ دۇرىستىعىنا سەندىرەتىن كورنەكتى شارالارىنىڭ ءبىرى - وسى وليمپيادا ويىندارى. ەندى سول شاراسى جۇزەگە اسپاي قالسا، ول سول ەل باسشىلىعى دۇرىس جولمەن كەلە جاتىر ما، جوق پا دەگەن جالپى حالىق اراسىندا سۇراق تۋعىزاتىنى انىق. مىنە، ولار سودان قورقادى.

بۇگىن ءمالىم بولعانىنداي، ۋاشيڭتوننان كەيىن بويكوتتى اۋستراليا، كانادا، ۇلىبريتانيا قولداپ، ولار دا ديپلوماتيالىق بويكوت جاريالاعانى بەلگىلى بولدى. كەزەك ەۋرووداق ەلدەرىندە. ولار دا جاقىن كۇندەرى بويكوتقا قوسىلۋى مۇمكىن. وسى بويكوتتى جاريالاتۋدا مەنىڭ دە ەڭبەگىم زور دەپ ءجۇر سەرىكجان ءبىلاش. ول ەندى باسقا تاقىرىپ. باستىسى - بويكوتتىڭ جاريالانعانى.

قۋانىش ەدىلحانتەگى

Abai.kz